01.11.2024
Националниот парк Пелистер, во соработка со тимот на Здружението за едукација и интеграција „ЕДУ-АКТИВ ПЛУС“, реализираше еколошка едукација на Пелистер за учениците од IX одделение при ООУ „Ѓорѓи Сугарев“ од Битола, како и за ученици и родители од Центарот за поддршка на деца со попреченост.
Главната цел на активноста беше да се поттикне еколошката свест, тимската работа и инклузијата преку различни активности во природа. Учениците учествуваа во интерактивни задачи, вклучувајќи чистење на патеките, идентификација на локалната флора и фауна, еко потера и ориентациска прошетка.
Учениците активно дискутираа за климатските промени и добија практични совети за заштита на животната средина. Оваа активност значително придонесе за јакнење на екокултурата кај учениците и за подобрување на нивното разбирање за важноста на заштитата на природните богатства.
Оваа форма на учење во природа покажа дека учењето може да биде не само забавно, туку и многу значајно за сите учесници.
Изразуваме голема благодарност до тимот на Здружението за едукација и интеграција „ЕДУ-АКТИВ ПЛУС“ за одличната соработка. Нивната посветеност и професионализам значително придонесоа за успешното реализирање на еколошката едукација на Пелистер. Со заеднички напори, успеавме да поттикнеме еколошка свест и инклузија меѓу учениците, што е од големо значење за нашата природа. Благодариме за сите прекрасни моменти и споделеното знаење!
Целата галерија на следниот линк
