Со отпочнувањето на подготовките за реализација на проектните активности, во рамките на проектот „Авантура преку границите“, со акроним – advenTOUR, од страна на проектните партнери, беше констатирано дека, потребно е да се извршат измени во буџетските ставки, со цел успешна имплементација на проектот. Овие измени, беа утврдени на првиот состанок на партнерите Младинско христијанско здружение – Солун/ИМКА Солун, Грчка национална туристичка организација/GNTO, и Национален парк Пелистер – Битола, по што за истите беше испратено барање за одобрување од страна на Програмата.
НП Пелистер изврши пренамена на средства од буџетот за одржување на состанок во Битола, како и настан на кој ќе се сретнат корисниците на проектот и проектните партнери.
На 5 октомври, електронски, преку зоом платформата беше одржан вториот состанок на партнерите во овој проект, на кој се разговараше за спроведените активности од страна на партнерите, како и за плановите за понатамошна работа. На овој состанок, беше заклучено дека, поднесен е извештај за тековните работи, а побараните измени во проектот се одобрени од страна на Заедничкиот технички секретаријат. Секој од партнерите информираше за динамиката со која ќе продолжат активностите. Следниот состанок, помеѓу проектните партнери е договорен во Битола во втора половина на месец ноември, за што агендата и местото на одржувањето на средбата, дополнително ќе бидат одредени.
Проектот „Авантура преку границите“ со акроним – advenTOUR, се спроведува во рамките на INTERREG ИПА Програмата за прекугранична соработка Република Грција – Република Северна Македонија, 2014-2020. Во проектот Јавната установа Национален парк – Пелистер Битола е трет партнер.
