Остварена средба со Претседателот на Велосипедска федерација на Турција и на Балканска федерација

На ден 29.11.2024 година Директорот на ЈУ Национален парк Пелистер, а воедно и Претседател на Велосипедска федерација на Македонија Иванчо Тошевски, оствари средба со Претседателот на Велосипедска федерација на Турција и на Балканска федерација г-н Емин Муфтиоглу.

Заеднички со г-н Емин , остварија средба со д-р Биљаљ Суџубиши – главен извршен директор на ХАЛК БАНКА , и со д-р Беркан Имери – извршен директор на ХАЛК БАНКА , на која се договорија за идна подршка на македонскиот национален тим на ВФМ.

Со Министерот Борко Ристевски, се договорија за нова средба на министерско ниво за спорт и туризам помеѓу Македонија и Турција која ќе се одржи во Битола, со цел проширување на соработката помеѓу двете земји во повеќе области. Директорот на Н.П.Пелистер го презентираше потенцијалот кој го нуди Пелистер и поширокиот регион во делот на развој на туризмот.