Моментални Активности

Јуни - Амбасадорот на САД во посета на НП Пелистер

 

Со посебна табла, поставена на Историската патека на Пелистер, денес беше покажана помошта од САД во Првата светска војна, доставувана за Битола и Битолско. По повод сто години од вклучувањето на Соединетите Американски Држави во Првата светска војна, амбасадорот на САД, Џес Бејли, денеска промовираше меморијално обележје на патеката од Првата светска војна во Националниот парк Пелистер.

 

Во спомен на годишнината беше презентирана табла со ретки фотографии од архивата ан Американскиот Конгрес, како и податоци за начинот на кој САД доставувала помош на населението во битолскиот регион и на делот од фронтот кој постоел во Битолско.

 

За успешно организираниот настан и соработката во поставувањето на спомен обележјето за помошта на САД во Првата светска војна за Битола и Битолско, поставено во две паноа на Историската патека на Пелистер, неговата екселенција, г-динот Џес Бејли додели и посебна благодарница за НП Пелистер.

Од страна на директорот на НП Пелистер, г-динот Амет Аџиу, на амбасадорот Џес Бејли му беше подарена фотографија за една планинарска средба на Пелистер. Г-динот Бејли често сакаше да пешачи по патеките на НП Пелистер, па затоа овој подарок за него претставуваше посебно и мошне пријатно изненадување.

 

Јуни - Министерот за животна средина и просторно планирање, г-динот Садула Дураку во посета на Пелистер

 

Министерот за животна средина и просторно планирање, г-динот Садула Дураку денес го посети Националниот парк Пелистер и присуствуваше на настанот организиран во чест на поставувањето на спомен обележјата на САД за помошта која САД ја давале во Првата светска војна на Битола и Битолско.

 

Покрај тоа, министерот Садула Дураку и директорот на НП Пелистер остварија и куса работна средба, на која на министерот Дураку му беше претставена Јавната установа Национален парк Пелистер, нејзината организираност и остварувањето на основната функција - заштита на природното богатство на Пелистер и Баба Планина.

Мај - НП Пелистер и предизвиците на авантуристичкиот туризам

 

Сара Вилер, познатата британскa авторка за патувачки авантуризам, во организација на Балојани Туристичкиот Сервис, на 24 и 25 мај го посети Националниот парк Пелистер, во рамките на нејзиното авантуристичко патување во Македонија ...

 

На 24 мај се обиде да види дел од нашата фауна, а на 25 мај засади моликов бор и проба традиционална македонска храна во Хотел Молика на Пелистер...

 

Овде можете да го најдете линкот со текстот кој во британски Тајмс го објави Сара Вилерс:

https://www.thetimes.co.uk/article/bears-boars-and-ancient-sites-on-a-balkan-adventure-hc7vksks7

Мај - Шумарство куќа во Дервен доби нов изглед

 

Шумарство куќа во Дервен - НП Пелистер - по волонтерска акција

на членовите на Планинарскиот клуб ПСПК - 7 мај од Битола, обновена  - „освежена“

 

 

Мај - БАЛКАНСКИОТ РИС НА ПЕЛИСТЕР

 
Еден интересен мејл кој НП Пелистер го доби деновиве гласи:
 
Здраво,
 
Во средата, на 3-ти мај 2017 г. слушнавме и видовме балкански рис на почетокот на Историската патека.
И двајцата ги слушнавме неговите повици, а јас го забележав, околу 15 секунди, додека минуваше на чистината и отиде во погустата вегетација.
Потоа продолжи да се огласува уште 30-тина секунди.
 
Инаку, ние сме пензионирани чувари од Зоолошка градина и посебниот негов звук нè предупреди на неговото присуство.
Навистина уживавме во Патеката по Камењарот, но забележувањето на рисот беше вистински бонус за нас.
 
Од: Erica Bailey <erica.bailey45@gmail.com>
До: np.pelister@yahoo.com
7 мај во 12:03
 
 
Поради овој мејл ние изразуваме голема благодарност до Дејвид и Ерика Бејли од Австралија, кои денес ја актуелизираа приказната за присуството на балканскиот рис во Националниот парк Пелистер (фотографијата на боја на рисот, поставена тука е направена во НП Маврово, од тимот на Македонското еколошко друштво од Скопје. Втората фотографија е од Брајчинско, снимена од скриена камера на НП Пелистер)

Април - Се одржа 17-ти Состанок на групата на засегнатите страни за Прекуграничниот регион "Преспа"

 

На 19 Април, се одржа 17-тиот Состанок на групата на засегнатите страни за прекуграничниот регион "Преспаво хотелот "УметничкаГалерија", во Корча, Албанија.

 

Дискусиите на оваа средба беа фокусирани на следниве теми:

- Преглед на активностите во рамките на проектот на ЕУ "Поттикнување на регионалната соработка и рамномерен територијален развој на земјите од Западен Балкан во процесот за интеграција во ЕУ, аво врска со спроведувањето на АБДА Програматаво "Преспа" Прекугранична регионот;

- Резултати од Вториот повик на Шематаза грантови на АБДА.

Март - Завршен настан на проектот Зајакнување на капацитетите за имплементација на Натура 2000

 
 
Завршен настан на проектот Зајакнување на капацитетите за имплементација на Натура 2000“.
 
 
 
На 15 март 2017 г. , Министерството за животна средина и просторно планирање заедно со тимот на проектот, во хотелот Арка го одржаа завршниот настан на проектот „Зајакнување на капацитетите за имплементација на Натура 2000“. Проектот заврши, но не и приказната на Натура 2000, која допрва ќе се развива... Посебна благодарност на сите соработници кои беа вклучени во реализацијата на проектот во изминатава година и секако на Европската Унија која го поддржа проектот!
 
  

Јануари - Прихрана на животните во Национален парк „Пелистер“

 

Заштитарите на ЈУ Национален парк „Пелистер“- Битола деновиве вршат прихранување на животните во националниот парк.

Акцијата за прихранување на животните се врши на определени места за кои се смета дека се посетени од некои видови на животни и притоа се поставуваат извесни количини на храна или минерали и сол, што им помага на животните во услови на остра зима полесно да ја преживеат.

Прихраната на животните во Националниот парк се врши на четири локалитети, односно во атарот на Нижо Поле, под Пелистер, Вртешка и Брајчино, каде се поставени и распределени околу 90 килограми крупна сол, повеќе пакети со минерали, околу 80 килограми пченица, 50 килограми пченка и околу 15 бали со сено.

 

Пченицата служи за да преживеат птиците, копитарите го користат сеното, минералите и солта, а за прихрана на дивите свињи се користи пченката. Доколку оваа зима се покаже како остра и сурова, веднаш штом се создадат услови на теренот, бидејќи на некои места снежната покривка е поголема од 50 сантиметри, ќе се изврши и дополнително прихранување, за што ние како ЈУ НП Пелистер редовно издвојува средства за набавка на потребните материјали.

Ноември - ВО ТЕКОТ НА ОКТОМВРИ И НОЕМВРИ СЕ ОДРЖАА ПОВЕЌЕ ОБУКИ ЗА ТРЕНЕРИ ЗА НАТУРА 2000

 

Во рамките на ЕУ ИПА Проектот „Зајакнување на капацитетите за имплементација на Натура 2000“, деновиве треба да се одржи Шестата обука/Модул 6 ‘Натура 2000 Комуникација и социо-економски придобивки’, на која, како и на претходните обуки од ЈУ Национален парк Пелистер ќе земат учество тројца вработени. Шестат обука ќе се организира на 23 и 24 ноември, 2016 година во Скопје.

 

Главни цели на обуката:

- Да се стекне знаење за теорија и основни принципи на комуникација

- Да се направи разлика помеѓу стратегиите за комуникација и кампањите за подигнување на јавната свест

- Презенитирање на нацрт ‘Програмата за информирање и консултации со јавноста’ која е изработена во рамките на проектот

- Информација за социо-економските придобивки

- Примери за обезбедени придобивки

Септември - ДВЕ ШУМАРСКИ ЗДРУЖЕНИЈА ОД СЛОВЕНИЈА ВО ПОСЕТА НА НП ПЕЛИСТЕР

 

На 22 септември 2016 г. во Националниот парк Пелистер престојуваа претставници на шумарските здруженија од Крањ и Кочевје, од Република Словенија.

 

Тие покажаа голем интерес за флората во националниот парк, при што го посетија Инфоцентарот и неколку локалитети во Паркот. Гостите покажаа посебен интерес за начинот на одгледување и стопанисување со шумите во НП Пелистер и изразија почит кон пристапот со кој се одгледува и чува моликовата шума, како најкомпактна заедница од овој вид бор во Европа.

Јули - УСПЕШНИ ЧЕКОРИ ЗА ПОНАТАМОШНА СОРАБОТКА

 
Вработените ОД Националниот парк "Шебеник-Јабланица", заедно со дел од вработените од АДЗМ - Елбасан, беа во дводневна посета на Националниот парк "Пелистер" - Македонија.
 
 
Посетата имаше за цел размена на искуства во работата на персоналот на национални паркови: Галичица и Пелистер за оперативниот менаџмент, како и за природните и културните вредности на парковите.
 
 
Персоналот на НП Шебеник беше пречекан од страна на раководниот тим на НП Пелистер, г-динот Амет Аџиу, директор, и од упраниот тим и ренџерите во паркот.
 
 
За време на посетата беа одржани презентации од двете страни за природните богатства и на за начинот на управување на парковите, и беа посетени поеќе локалитети во НП Пелистер.
 

Јуни - АМБАСАДОРОТ НА САД СО ПОСЕБЕН ПИЕТЕТ ЗБОРУВА ЗА МАКЕДОНСКИТЕ НАЦИОНАЛНИ ПАРКОВИ

ПРИЕМ ВО AМЕРИКАНСКАТА АМБАСАДА ПО ПОВОД ДЕНОТ НА НЕЗАВИСНОСТА НА САД 

Ambasadori Jess Baily - Fjalimi me rastin e kremtimit të ditës së pavarsisë

 

Американската амбасада во Скопје на 30 јуни 2016 г.  организираше прием по повод Денот на независноста на САД, на кој присуствуваа личности од политичкиот и јавниот живот во Македонија, а посебна чест им беше дадена на националните паркови во Република Македонија, кои се претставија со свој штанд, а амбасадорот Џес Бејли посебен акцент за улогата на националните паркови во САД и Македонија, стави и во својот говор, кој го донесуваме во деловите кои се однесуваат на улогата на националните паркови:

Националните паркови навистина се - како што рекол американскиот писател и историчар Уалас Стегнер - “најдобрата идеја што Америка некогаш ја имала. Апсолутно американска, апсолутно демократска, тие се одраз на нашите најдобри работи.” Како што можеби веќе знаете, Американците често не се сложуваат меѓусебе за прашања од јавен интерес. Ако ги следите овие контроверзни избори во САД, може ќе кажете дека тоа што го реков не е доволно силно. Но националните паркови се нешто за кое се согласуваме, бидејќи нашите национални паркови навистина им припаѓаат на сите Американци и ја претставуваат нашата заедничка историја, наследство, и култура. Иако луѓето можат да дебатираат за ова прашање, јас никогаш не сум сретнале некој кој верува дека ние како нација ќе бидеме подобри без нашите паркови. 

 

Абрахам Линколн рекол, “најдобриот начин да се предвиди иднината, е таа да се создаде.” Додека се соочуваме со конфликтите и предизвиците на денешницата, ајде да ги решиме така да идните генерации ќе гледаат наназад со гордост на одлуките што ние сме ги донеле, и ќе ги одбележуваат места на кои се донесени. 
Нашите национални паркови се резултат на мудро управување, како во мојата земја, така и тука во Македонија. Имав среќа да ги посетам сите три паркови на Македонија по неколку пати, неодамна се искачив во планината Баба и се симнав од другата страна на Преспанското езеро. Заедно со вашите културни и историски локалитети, вашите паркови се подарок од вашите родители и баби и дедовци, и ваш подарок за вашите деца и внуци. Затоа, вечерва исто така ги чествуваме мудрите одлуки за заштита на овие места. Среќни сме што вечерва тука со нас се директорите на националните паркови и вработените во Маврово, Пелистер и Галичица. Со себе донеле материјали во кои се истакнува извонредната и комплексна убавина на вашите национални паркови. Ве молам посетете ги нивните штандови, кои убеден сум дека ќе ве инспирираат повторно да ги посетите вашите национални паркови. Исто така, вечерва со нас тука се и победниците на нашиот онлајн конкурс за дизајн на постери за парковите на Македонија. Нивната работа може да ја видите исложена тука.


http://photos.state.gov/libraries/macedonia/8573/ArchivePDFs_June2016/amb_4th_of_july2016_mac.pdf

 

Parqet nacionale vërtetë janë, siç ka thënë shkrimtari dhe historiani amerikan Wallace Stegner , “ideja më e mirë që Amerika ka pasur ndonjëherë. Absolutisht Amerikane, absolutish demokratike, ato na paraqesin në dritën më të mirë.” Siç mund ta dini, Amerikanët shpesh nuk pajtohen për çështje të interes publik. Dhe nëse i ndiqni zgjedhjet e fundit në Amerikë, mund të thuhet se ky konstatim është me rezervë. Mirëpo, parqet nacionale janë temë për të cilën pajtohemi, pasi që parqet tona vërtetë u takojnë të gjithë Amerikanëve dhe përfaqësojnë historinë, trashëgiminë dhe kulturën e përbashkët. Edhepse njerëzit mund t’I debatojnë këto çështje, unë asnjëherë nuk kam takuar ndonjë që beson se ne si komb do të kishim qenë më mire pa parqet tona. 
Abraham Lincoln ka thënë se “mënyra më e mirë për të parashikuar ardhmërinë është ta krijojsh atë.” Derisa po ballafaqohemi me konfliktet dhe sfidat e të sotmes, le t’i zgjidhim ato që gjeneratat e ardhshme t’a shikojnë të kaluarën me krenari për vendimet që kemi marrë, dhe t’i shënojnë ngjarjet në vendet ku i kemi sjellë ato. 
Parqet tona nacionale janë rezultat i administrimit të mençur, edhe në vendin tim edhe këtu në Maqedoni. Kisha mundësi disa herë të vizitoj të tre parqet nacionale në Maqedoni, herën e fundit kur u ngjita në Malin Baba deri te Liqeni i Prespës. Së bashku me lokalitetet kulturore dhe historike, parqet tuaja janë dhurata nga prindët dhe gjyshërit, dhe dhuratat e juaja për fëmijët dhe nipërit tuaj. Sontë po kremtojmë edhe vendimet e mençura për të ruajtur këto lokalitete. Sonte kemi nderin me ne të jenë present edhe drejtorët dhe stafi i parqeve të Mavrovës, Pelisterit dhe Galiçicës. Ato kanë sjellur material për të treguar bukurinë e jashtzakonshme dhe kompleske të parqeve tuaja nacionale. Ju lutem ndaluni te tavolinat e tyre, të cilat do të ju inspirojnë t’i vizitoni këto parqe. Poashtu këtu kemi disa nga fituesit e një konkursi onlajn për disenjimin e posterëve të parqeve të Maqedonisë. Mund t’i shihni punimet e tyre të ekspozuara atje.


http://photos.state.gov/libraries/macedonia/8573/ArchivePDFs_June2016/amb_4th_of_july2016_alb.pdf

 

 

 

 

 

 

 

 

 

 

 

 

 

 

 

 

 

 

 

Јуни - Потпишан договор за изработка на Просторен план за НП Пелистер

Министерот за животна средина и просторно планирање Башким Амети, директорот на Националниот Парк Пелистер, Амет Аџиу и директорот на Агенцијата за планирање на просторот, Љупчо Георгиевски, на 9 јуни 2016 г. потпишаа договор за изработка на Просторен план за Националниот Парк Пелистер.

 

Вкупната вредност за изработка на овој просторен план изнесува 3 665 320, 00 денари, при што Министерството за животна средина и просторно планирање преку Годишната Програма за изработка на просторни планови за 2016 год. за таа цел има предвидено 900.000.00 ден.

 

Останатите средства за реализација на целокупниот проект ќе се предвидат во Програмата за изработка на просторни планови за 2017 год.

Со изработката на просторниот план за НП Пелистер ќе се дефинираат мерките за интегрален туристички развој (зимски, летен, еко, здравствен и селски туризам), ќе се преиспитаат насоките за интегрален третман на природните ресурси во функција на туристичка понуда, со што ќе се поттикне социоекономскиот развој на населбите.

Јуни - Зборуваме за Натура 2000 во Пелистер

Зборуваме за Натура 2000 во Пелистер
 
 
Вработени од Националниот парк Пелистер, претставници кои се занимаваат со туристички активности во природа,
претставници од останати проекти кои работат на заштита на биодиверзитетот како и претставници од Министерството за животна средина и просторно планирање во моментов присуствуваат на работилницата на проектот „Зајакнување на капацитетите за имплементација на НАТУРА 2000“.
 
 
 
Ќе стане ли НП Пелистер дел од Натура 2000 останува да видиме :)
 
 

Мај - ЕДУКАТИВНА СРЕДБА СО ПРЕТСТАВНИЦИ НА ЛОКАЛНАТА САМОУПРАВА - ИСТОЧЕН ПЛАНСКИ РЕГИОН НА РМ

Едукативна средба за претставниците на локалната самоуправа
 
 
Претставници од општините кои ги опфаќа Источниот плански регион http://www.eastregion.mk/ и општина Ресен, го посетија Националниот парк Пелистер, во рамките на Програмата за зачувување на природата во Македонија, поддржана од Хелветас, Фармахем и Швајцарската агенција за развој. 
На Пелистер се запознаа со функционирањето на Јавната установа НП Пелистер, со формите на соработка со општините Битола и Ресен, како и со можните поволности кои заштитените подрачја ги овозможуваат за локалните заедници.
 
 
 
Беше посетен Хотел Молика, Ластојчин Камен, Историската патека, Инфоцентарот на НП Пелистер и Вила Дихово во село Дихово.

Мај - Експедиција набљудување на мечката (дивеч) во НП Пелистер

 

На 8 мај 2016 година - во националниот парк Пелистер

На сликата се претставници од: Agrotravel Turismo Responsible, Turoperator, Nanoq, медиум од Шведска, Wanderlust Travel Media, од Велика Британија, Allibert Trekking - туроператор, независен новинарод Australija, Ravnfilm, режисер одATTA и туроператорите: Women's Own Adventure, Baumeler Travel, SNP Natuurreizen иBalojani DMC – туроператор(организатор и водиш на турата).

Оваа група на посетителите имаат еднодневна посета во засолништето во село Брајчино за набљудување наживотни, кои гопосетија иИнфоцентарот на Пелистер, засадија исадници сомоликови дрвца, секое означено со име и презиме на засадувачот...

Мај - ПРВАТА СВЕТСКА ВОЈНА И ПЕЛИСТЕР - ПОСЕТА НА АФИРМИРАНИ НОВИНАРИ И ТУРОПЕРАТОРИ


ПРВАТА СВЕТСКА ВОЈНА и Пелистер

Пред одржувањето на Прва регионална конференција за активен туризам во Европа во Охрид, Националниот парк Пелистер беше посетен, од страна на една група (9 мај) заинтересирани новинари и туроператори за историските настани на Пелистер, Битола и околината.


  Пред одржувањето на Прва регионална конференција за активен туризам во Европа во Охрид, Националниот парк Пелистер беше посетен, од страна на една група (9 мај) заинтересирани новинари и туроператори за историските настани на Пелистер, Битола и околината.

Март - УЧИЛНИЦА ВО ПРИРОДА

„Училница во природа„ според принципите на „Шумската педагогија“, проект поддржан од Министерството за животна средина и просторно планирање на РМ. Во реализацијата се вклучени ученици и наставници од основните училишта „Гоце Делчев„ и „Ѓорѓи Сугарев“ од Битола и „Славејко Арсов“ од село Подмочани – Ресен.

  

 

Мај - 19 мај 2015 - Показна вежба за заштита од шумски пожари - Национален парк Пелистер

Показна вежба за заштита од шумски пожари - Национален парк Пелистер

Вработените во НП „Пелистер“, заедно со битолските пожарникари и волонтерите во центарот за обука Пегаз, денес ја изведоа завршната показна вежба во однос на гаснење на шумските пожари. Се она што практично и теоретски го научија во изминатите денови, денес го изведоа на терен. Бенефитот е повеќенаменски, како во однос на превенција, така и во однос на делување во случај на пожар на шумските подрачја.

 

Заедничкиот меморандум за соработка во областа на противпожарната заштита потпишан во 2013 година помеѓу НП „Пелистер“ и француската асоцијација за цивилна заштита WORKING TOGETHER, заедно со ТППЕ од Битола и Центарот за обука Пегаз од Битола, резултираше со практична примена на обуката спроведена на територијата на паркот, за гаснење на пожари во шумски услови.

  

За рано откривање и брза интервенција се превземаат превентивни мерки со организирање набљудувачка служба, редовно патролирање и известување од страна на месното население. За поорганизирано справување со евентуачните пожари се превземаат мерки и активности во насока на упатување на голем дел од вработените на соодветни обуки“ рече директорот на НП Пелистер Амет Аџиу.

 

Ние како ТППЕ сме вклучени во ваквите акции и обуки со цел вработените да можат да реагираат веднаш на евентуалното место на опожарување, додека нашите екипи пристигнат на терен“ рече командирот на ТППЕ Костадин Поповски.

 

Здружението на француските противпожарни служби WORKING TOGETHER донираше нова опрема со која значително ќе се зголемат оперативните заштитни способности на Националниот парк Пелистер, а истовремено од драгоцена помош е искуството кое француските пожарникари го споделија со битолските пожарникари и вработени во паркот.

 

Националниот парк Пелистер во насока на превентивните делувања за заштита од шумските пожари има поставено и набљудувачница на територијата на селото Ротино, од каде што лицата кои се задолжени за набљудување, ќе можат веднаш штом забележат некаков чад или било каква појава на територијата на паркот, да пријават во ТППЕ и кај вработените во оваа национална установа, со цел навремено да се реагира и да се спречат последици со фатални размери.

Мај - ПОЛАГАЊЕ НА ИСПИТ ЗА ЧУВАР ВО ЗАШТИТЕНО ПОДРАЧЈЕ - ПЕЛИСТЕР

На 7 и 8 мај 2015 г. во Националниот парк Пелистер беше спроведен испит за добивање на лиценца за чувар во заштитено подрачје, огласно Законот за заштита на природата и подзаконските акти за таа намена.

 

Испитот го спроведе 3 члена комисија составена од претставници на Министерството за животна средина и на ЈУ Национален парк Пелистер - Битола.

 

Испитот се состеше од писмен и усмен дел. 

 

Испитот го полагаа според различни групи прашања и успешно го положија 11 лица, кои се ангажирани како реонски чувари, односно шумарски работници во Националниот парк Пелистер. 

Април - ЈАВЕН ПОВИК за пријавување на кандидати за полагање на стручен испит за чувар во Национален парк Пелистер

 ЈАВЕН ПОВИК

за пријавување на кандидати за полагање на

стручен испит за чувар воНационален парк Пелистер

Врз основа на член 108од Законот за заштита на природата ("Сл. весник на Република Македонија" бр. 67/04, 14/06, 84/07, 35/10, 47/11, 148/11, 59/12, 13/13, 163/13 и 41/14)и Правилникот за содржината на програмата за полагање на стручен испит за чувар во заштитено подрачје и начинот и постапката за полагање на стручниот испит ("Сл. весник на Република Македонија" бр.126/10) Министерството за животна средина и просторно планирање објавува Јавен повик за пријавување на кандиидати за полагање на стручен испит за чувар во Национален парк Пелистер- Битола.

Стручниот испит за чувар во национален парк Пелистер го полага чувар, назначен од страна на Јавната установа Национален парк Пелистер-Битола.

Јавниот повик е со времетраење од 30.03.2015 година до 15.04.2015 година.

Во прилог е Програма за полагање на стручен испит на чувар во Национален парк Пелистер и Пријава за полагање стручен испит за  чувар во заштитено подрачје

Пријавите за полагање на стручен испит на чувар во Национален парк Пелистер се доставуваат до архивата на Минситерството за животна средина и просторно планирање ул.Гоце Делчев бр.18 зграда на МРТВ, 10 кат.

 

КОМИСИЈА ЗА ПОЛАГАЊЕ НА СТРУЧЕН ИСПИТ

                                   ЗА ЧУВАР ВО НАЦИОНАЛЕН  ПАРК- ПЕЛИСТЕР

 

Март - 9-тиот состанок на засегнатите страни на Прекуграничниот регион "Преспа" се одржа во просториите на ДОРКАС - Албанија на 4 март 2015 година во Корча

Редовниот 9. состанок на засегнатите страни на групата за прекуграничниот регион на "Преспа" се одржа во просториите на ДОРКАС - Албанија на 4 март 2015 година во Корча, Албанија.
 
 
Дискусиите за оваа средба беа фокусирани на следниве теми:
 
- Преглед на готовите активности во 2 фаза од проектот;
 
- Извештај за готови P2P акции и други настани со фокус на "Преспа" регионот;
 
- Дискусија за иднината АБДА активности во рамките на "Преспа".
 
 
Оваа активност е дел од проектот финансиран од Европската унија: "Подготовка за спроведување на развој на Регионите во Западен Балкан - втора фаза" што се спроведува од страна на SWG.

Февруари - НП Пелистер со прекуграничниот Регион Преспа - активен учесник на Саемот за туризам во Белград

Почувствувајте го неверојатниот свет на Балканските погранични региони
 
 
Почнувајќи од 19 - 22 февруари се одржа 37. Меѓународен саем за туризам (IFT) во Белград, Србија. Во текот на четири дена на саемот, беа презентирани пограничните региони каде што се имплементира развојот според (ABD) пристапот на ЕУ. Повеќе од 30 изложувачи ги претставија атракциите, традиционалните производи и услугите кои ги презентираат неверојатните и неоткриени руралните области на Босна и Херцеговина, Хрватска, Србија, Албанија, Црна Гора, Косово * и Македонија.
 
 
SWG го претставуваше огромниот потенцијал на пограничните региони во Западен Балкан: "Дрина-Сава", "Тара-Дрина", "Преспа" и "Шара".

 

 
Изложбата беше поддржана од Европската унија која го финансираше проектот "Подготовка за развој на простор врз основа на (ABD) Пристапот во Западен Балкан - 2 фаза" спроведувана од SWG.

Декември - НП Пелистер меѓу основачите на "Паркови Динариди - мрежа на заштитени подрачја на Динаридите"

Во Подгорица, Црна Гора на 5.12.2014 г., е основано здружението "Паркови Динариди - мрежа на заштитени подрачја на Динаридите"

На основачкото собрание во Подгорица беше официјално основана регионалното здружение "Парковите Динариди - мрежа на заштитени подрачја на Динаридите". Претставници на 36 паркови во Регионот на Динарската верига избраа претседател и административниот совет на Асоцијацијата, која ќе им овозможи полесна размената на искуства, развивање на заеднички проекти и промоција на парковите од веригата.

Директорот на Националниот парлк Пелистер, г-динот Амет Аџиу го потврдува учеството на нашиот парк во мрежата на Парковите Динариди...

- Во присуство на министерот за одржлив развој и туризам на Црна Гора, г. Бранимир Гвозденовиќ, 36 претставници на заштитените подрачја во Регионот на Динарската верига учествуваа на состанокот за основање на регионалното здружение "Парковите Динариди - мрежа на заштитени подрачја на Динаридите" во хотелот Рамада во  Подгорица.

Во формирањето на "Парковите Динариди - мрежа на заштитени подрачја на Динаридите" на денешната средба присуствуваа претставници на заштитените подрачја од осум земји во регионот, кои усвоија Статутот на асоцијацијата, а од страна на присутните беа избрани членовите на Управниот одбор и другите работни тела на асоцијацијата, и на тој начин формално-правно ги ставија темелите за својата идна работа и развој.

За претседател на асоцијацијата е избран  Зоран Мрдак, директорот на националните паркови на Црна Гора, а за  потпретседатели се избрани Амарилдо Мулиќ, директор на Националниот парк Уна и Онер Јакупоски, директор на Националниот парк Маврово. Претседател на Собранието, на здружението е заменик-министерот за животна средина и заштита на природата во Република Хрватска, Ненад  Стрижреп, а секретар е Леон Кебе, раководител на проектот на WWF - "Динарска верига на паркови".

Седиштето на здружението во првите три години ќе биде во Црна Гора и нејзиниот одбор на директори се состои од по еден претставник од секоја од осумте земја на Динарската верига. Меѓу главните цели на формирањето на здружението се: вмрежувањето на паркови, техничката поддршка во професионална смисла и подобра промоција парковите.  Здружението ќе треба да им помогне на заштитените области од Регионот во привлекувањето на фондови, како и во заедничките развојни проекти.

"Организирана заштита на природата во подрачјето на Регионот на Динаридите започна во доцните години на 19-ти век. Првите национални паркови беа воспоставени во средината на 20 век, а денес формирањето на парковите Динарите е уште еден важен настан, како и новиот повисок степен на организација на заштитата на природата во регионот", рече претседателот на мрежата Зоран Мрдак.

Службениот почетокот на работата на здружението и завршувањето на главната дејност на WWF за заштита - проектот "Динарскара верига на паркови", преку која три години беа поставувани темелите на ова здружение. Раководителот на проектот на WWF и секретар на асоцијацијата, Леон Кебе нагласи: "Ова е голема победа за Динарската верига "со заедничките обврски на сите земји, која е прифатена пред една година во Будва на нашата втора меѓународна конференција. Првиот чекор во исполнувањето на таа обврска бешее утврдено од страна на WWF, и среќен сум затоа што сега постојат цврсти партнери во проектот за понатамошна работа со заштитените подрачја во регионот", рече Кебе.

Ноември - СРЕЌЕН 66 - ти РОДЕНДЕН - НАЦИОНАЛЕН ПАРК „ПЕЛИСТЕР“

Октомври - Инаугуриран Прекуграничниот биосферен резерват „Охрид - Преспа“ - заштитен од УНЕСКО

Регионот „Охрид - Преспа“ е 14-тиот по ред светски Прекуграничен биосферен резерват заштитен од УНЕСКО. Свеченоста на која беше инаугуриран се одржа на 13 октомври во Корча - Албанија.

Основната цел поради која овој регион доби ваков статус е овозможување одржлив развој на прородните ресурси со помош на населението кое гравитира кон регионот Охрид - Преспа, чија основна заштитена зона се наоѓа во  Националните паркови: Преспа - Албанија, Галичица и Пелистер - Македонија.

- Биосферниот резерват - според заменик министерот за животна средина и просторно планирање на Република Македонија, Стево Темелковски - претставува нова форма на заштита на УНЕСКО, во која човекот е ставен во прв план, но тоа воопшто не значи дека заштитата на биосферата е второстепена, туку се работи на заштита на природните ресурси преку изнаоѓање баланс меѓу економскиот развој и заштитата на животната средина. Биосферниот резерват отвора врата преку која се воспоставуваат меѓусебните врски меѓу општините, каде во прв план избива економскиот развој, како преку брендирање разни производи од регионот, така и во развојот на туризмот, со кои ќе може да се излезе на европскиот пазар.

Централната прослава по овој повод се одржа на главната улица во Корча, каде беа организирани бројни активности за поддршка на туристичката промоција и значењето на Биосферниот резерват. Се одржа и саем на земјоделски производи, ракотворби и на локални специјалитети, карактеристични за населените места  опфатени со Биосферниот резерват.

На свечената инаугурација во Корча присуствуваа  високи владини претставници, на парламентите на двете држави, на општините што гравират во регионот Охрид - Преспа, на ЕУ и на дипломатскиот кор, Националните паркови, како и преставници на Националните комисии на УНЕСКО, кои им ги предадоа сертификатите за прогласување на Прекуграничниот резерват на министрите за животна средина на Република Македонија и на Република Албанија, Нурхан Изаири и Лефтер Кока.

Прекуграничниот биосферен резерват Охрид - Преспа ги опфаќа сливните подрачја на Охридското и Преспанското Езеро, со површина од 446.244 хектари на албанска и македонска страна од сливното подрачје на овие две езера. На територијата на резерватот се евидентирани над 450 илјади жители, во 26 единици на локална самоуправа на албанска, како и шест на македонската страна.

Резерватот Охрид - Преспа како заштитена зона на УНЕСКО беше одобрен на Меѓународниот совет на УНЕСКО за програмата „Човек и биосфера“ МАБ, што се одржа на 11-ти јуни годинава во Јончепинг, Шведска.

Октомври - Ќе се формира Асоцијација „Мрежа на Парковите Динариди“

Со потпишување на писмо за намери за формирање наАсоцијација – мрежа на парковите, заврши третата конференцијатана Парковите на Динарската верига

Околу60 национални паркови и заштитени подрачја одрегионот потпишаа декларација за намера да основаат Асоцијација"Паркови Динариди- мрежана заштитени подрачја", меѓу коипет се заштитени подрачја од РепубликаМакедонија.

 

Во Националниот парк Бриони,на 8 октомври 2014г., во организација на  WWF заврши Третатамеѓународна конференција на "Парковите на Динарската верига", во која 60 заштитени подрачја од 8 земји потпишаа декларацијата и ја поставијаосновата за воспоставување на иднатаасоцијација " Мрежа на Парковите Динариди",која треба да биде официјално формирана во декемвриво Црна Гора.

 

Меѓу парковитекои ја потпишаа Декларацијата се и пет заштитени подрачја одМакедонија - националнитепаркови: Галичица, Маврово и Пелистер, и парковитена природата - Јасени Езерани.

 

На конференцијата беа презентирани резултатите од страна на WWF запроценката на благосостојбата на еко-системите во ПарковитеДинариди, утврденаво последните две години, во 57 паркови во регионот. Беше истакнато дека постојат повеќе економски искористливиресурси во парковите,како:туризмот, комерцијалнатаупотреба на водата, шумитеи можностите за вработување. WWF заклучидека водата е важен ресурс во регионот,којамора да се користи одржливо. Туризмот е признат како главен извор на приходи, но треба внимателнода се развива, не како масовен туку само какоодржливтуризам.

Третата Меѓународна конференција на WWF на "Веригата на Парковите Динариди" заврши со студиско патување во Мотовунскаташума, во централна Истра, каде што учесниците се запознаа со системот на заштитени подрачја во Хрватска.

Септември - Едукативен еколошки камп – Пелистер 2014

Членовите на Еко клубот во Младинскиот Културен Центар (МКЦ) Битола имаа шанса да учествуваат на првиот Едукативен еколошки камп одржан на Пелистер во периодот од 12 до 14 септември.  Кампот беше насочен кон запознавање на идните активисти од Битола со биолошката разновидност на Националниот парк Пелистер а особено со значајните растителни видови. За таа цел беа организирани ботанички теренски истражувања на кои учесниците собираа фотографски материјали за анализа.

Дополнително учесниците на кампот беа запознаени со можности и идеи за нивно активно учество во научни истражувачки проекти, самостојно водење на помали проекти и активности кои би придонеле кон промоција на Пелистер како Значајно растително подрачје.  МКЦ и Македонското еколошко друштво и натаму ќе ја поддржуваат работата на еко клубот, кој моментално развива неколку локални еколошки кампањи.

Кампот е дел од проектот  Поврзување на луѓето со природата – вмрежување и зајакнување на граѓанските здруженија во Македонија кој е ко-финансиран од страна на Европската Унија.

Август - Нурхан Изаири, Министерот за животна средина и просторно планирање, во посета на децата на Пелистер

27.08.2014 год.

Децата на Пелистер во добро расположение и добро здравје

Денеска,  министерот за животна средина и просторно планирање Нурхан Изаири ги посети децата кои се на климатска рехабилитација во Детското одмаралиште на Пелистер.

Министерството за животна средина и просторно планирање веќе тринаесетта годинипо ред,финансиски ја подржува активноста на  Друштвото на родители за грижа за здраво поколение од Велес за обезбедување на климатска рехабилитација на деца кои боледуваат од болести на респираторниот систем, анемии, алергии и слично како последица на енормното индустриско загадување.

Активноста е во согласност со Програмата на Министерството и е во правец на отстранување на последиците од историското загадување. Првите години ова беше привилегија на децата од Велес, но последниве години, активноста се прошири и се вклучија и деца кои живаат во село Осломеј, кавадаречкото село Возарце и село Миладиновци во непосредна близина на индустриските капацитети ОКТА, ОСЛОМЕЈ и ФЕНИ.

Министерството ги покрива финансиските трошкови за еднонеделен престој на 240 деца и уште 22 помошен персонал, а оваа година е обезбедена дополнителна сменаза100 деца од Велес и 40 од селото Возарци, Кавадаречко.

Инаку, кај децата со респираторни проблеми кои престојувале на Пелистер лекарите утврдиле дека здравјето во многу им се подобрило и не им била потребна терапија шест месеци по враќање од планина.

После посетата на Детското одморалиште, Министерот Нурха Изаири се задржа и во куса посета на Информативниот Центар на Пелистер, каде од страна на директорот на Националниот парк, Амет Аџиу беше запознат со за работењето и потребите на Националниот парк Пелистер.

Јули - ОГЛАС - ЗА ОТКУПУВАЊЕ НА БОРОВИНКА ОД НАЦИОНАЛНИОТ ПАРК „ПЕЛИСТЕР“

Мај - ЗГОЛЕМУВАЊЕ НА СОРАБОТКАТА НА НП ПЕЛИСТЕР СО НЕВЛАДИНИОТ СЕКТОР

Во просториите на Информативниот центар на Пелистер, денес беа потпишани два поединечни меморандуми за соработка на Националниот парк Пелистер со Македонското еколошко друштво од Скопје и со Младинскиот културен центар од Битола.

„Со потпишувањето на меморандумот за соработка со Македонското еколошко друштво од Скопје и МКЦ претставува поттик и за продлабочување на соработката во сферата на заштитата во паркот. Со меморандумот се става акцент на истражување на научна соработка и мониторинг на рисот, како и на авактивностите за спроведување на едукација на населението и подигање на свеста за заштита на средината", изјави Амет Аџиу, директорот на НП Пелистер.

„Ние и досега соработувавме на различни проекти, но вака ќе можеме да бидеме поконкурентни пред европските институции и фондови“ рече д-р Љупчо Меловски, претседател на МЕД - Скопје. Заложбите и зачувувањето на флората и фауната бараат соработка меѓу сите заинтересирани субјекти, а соработката со националните паркови е една од најважните, бидејќи како институции, тие работаат конкретно 365 дена во годината за заштита на природата.

„Најзагрозен е Балканскиот Рис кој што е уникатен и зачуван на територијата на Македонија, а можат поедини единки да бидат забележани и на територија на Албанија, а се работи за да се открие дали го има и во Црна Гора и Косово. Секако мора да се работи и на што поголема заштита на флората и фауната со која НП Пелистер изобилува", изјави Љупчо Меловски.

„МКЦ Битола преку својата мрежа на соработници и волонтери ќе придонесе за поголема афирмација на најубавиот национален парк во земјава, Пелистер“ истакна Сашо Додовски од МКЦ Битола. „Како МКЦ задоволни сме што сме дел од овој меморандум, и преку одржување на трибини и едукација на младите ќе придонесеме за што поголема заштита на флората и фауната на Пелистер" – додаде Додовски.


Како придружна активност на потпишувањето на Меморандумот, беше одржана и работилница на тема „Поврзување на луѓето со природата“ – зајакнување и вмрежување на граѓанските здруженија во Македонија, одрганизирана од МЕД и МКЦ. 

Со тоа всушност, Македонското еколошко друштво од Скопје, во соработка со невладината Plantlife International, од Велика Британија започна со реализација на ИПА проектот „Поврзување на луѓето со природата – зајакнување и вмрежување на граѓанските здруженија во Македонија", преку вклучување на македонските граѓани како волонтери за заштита на природата; потоа, преземање акции кои би придонеле кон имплементација на ЕУ регулативите за зачувување на природата.


 

Со овој проект ќе се овозможи преку организирани настани, семинари,едукациски средби и други форми на делување да се зајакне соработката на неколку граѓански здруженија, општини и управувачки тела на национални паркови кои се веќе активни во одбраните подрачја.


 

Оваа беше прва средба на партнерските организации, а проектот се спроведува од јануари 2014 до август 2015година, со активности во подрачјата: Осогово, Шар Планина, Илинска-Плакенска Планина и НП Пелистер.

Мај - ИЗЛОЖБА И ИСТОРИСКИ ЧАС ПО ПОВОД ДЕНОТ НА ЕВРОПАРК ФЕДЕРАЦИЈАТА

НП Пелистер, 19.05.2014 г. - 24.05.2014 г. 


Во сеќавање на последиците од Првата светска војна на Пелистер денес беше отворена фото изложба и одржан историски час


Денес (19 мај 2014 година) во Информативниот центар на Пелистер беше отворена изложба на фотографии кои сведочат за настаните во Првата светска војна на Пелстер и во Битола (Монастир). Тие настани се случуваа во периодот од есента 1916 до пролетта 1918 година. Тука се случија и две битки по пробивот на Македонскиот фронт (Солунскиот фронт) кај Кајмакчалан. Тоа беа битките за Црвена Стена на Пелистер и за Котата 1248 северно од Битола. Во Битката кај Црвена Стена во почетокот Француската војска (Антантата) претрпе големи загуби, за подоцна да успее да ја завземе и Црвена Стена и Котата 1248 и да ги натера Бугарските и Германските војски (Централните Сили) да се повлекуваат кон север. 


Во сеќавање на тие настани, како и големото страдање на Битола која беше 22 месеци перманентно бомбардирана, за учениците од Гимназијата Јосип Броз Тито од Битола, денес при отворањето на фото-изложбата, посебно предавање во Информативниот центар на Пелистер и на самата Историска патека на Пелистер наравена како потсетување на Првата светска војна, одржа професорот по историја Иљо Трајковски.


Со овој настан Националниот парк Пелистер активно се вклучи во одбележувањето на Денот на Европарк Федерација, чија членка е и самиот НП Пелистер. Оваа манифестацијата НП Пелистер ја спроведуваше цел месец, почнувајќи од 22.04.2014 г., со пласирање на фотографии и текстови на социјалната мрежа Фејсбук, во кои ги потсеќаше фесбук-пријателите и сите оние кои ја посетуваа таа мрежза (на англиски и на македонски јазик), за се она што пред 100 години се случуваше на Пелистер и во Битола, и какви се последици врз тогашното население и животната средина на овие простори предизвика Првата светска војна.


подигне свеста на пошироката јавност , а особено свеста на младата генерација на важност и вредност на заштитените подрачја.
Целиот настан беше медиумски покриен од локалните медиуми , како и од страна на националните и меѓународните социјалните мрежи и канали. Паралелно со основни настан организиран на 2014/05/19 , цел месец , почнувајќи од 2014/04/22 ( Меѓународниот ден на планетата Земја ) до 2014/05/24 , две мислења на социјалната мрежа биле пуштени на секојдневниот база, која се состои од слики придружени со релевантни текстови за Првата светска војна и последиците од него во Пелистер и во Битола 100 години пред тоа.

Април - WWF го започна процесот на формирање на асоцијација на парковите на Динарската верига (16.04.2014)

(16.04.2014.) Со состанокот во Подгорица преставниците на заштитените подрачја од шест  земји во регионот на Динарската верига ги поставија темелите за формирање на асоцијација која на парковите ќе им овозможи полесна размена на искуства, промоција како и развивање на нови проекти

За време на дводневниот состанок утврдено е дека асоцијацијата „ Парковите на Динарската верига„, ќе биде формирана во февруари 2015 година а нејзиното седиште ќе биде во Црна Гора, Хрватска или Србија.

Седумте претставници на заштитените подрачја од регионот, предводени од поранешниот дирекор на НП Триглав Мартин Шолар и домаќинот, директорот на Јавното Претпријатие Национални паркови на Црна Гора, Зоран Мрдак, расправаа за  планот за развој на асоцијацијата. Како главни цели на формирањето на асоцијацијата се истакнаа вмрежувањето на парковите, техничката подршка во стручна смисла и што подобра промоција на парковите. При тоа утврдија дека асоцијацијата треба да им помогне на заштитените подрачја во регионот во привлекувањето на фондовите, како и во зедничкиот развој на проекти.

WWF ќе подготви нацрт статут и план за работа, кои ќе бидат разгледани на следниот состанок на оваа работна група во јули на Блед. Целата програма ќе им биде претставена на парковите во октомври на Бриони, за време на третата Меѓународна конференција на Парковите на Динарската верига. Активностите на асоцијацијата во првите три години ќе бидат финансирани со помош на WWF и самите паркови, после што асоцијацијата би требала да стане потполно самостојна и самоодржлива.

 

Февруари - ВО НАЦИОНАЛНИОТ ПАРК ПЕЛИСТЕР ПОСТАВЕНИ „ФОТО-ЗАМКИ“ ОД СТРАНА НА МАКЕДОНСКОТО ЕКОЛОШКО ДРУШТВО

Тимот за истражување на балканскиот рис од Македонско еколошко друштво во соработка со ренџерите од Националниот парк Пелистер и ловочуварската служба на здружението на ловџии Преспа – Ресен, минатата недела поставија 24 фото-замки на различни локации во НП Пелистер и во две соседни ловишта на преспанската страна од планината Баба.

Фото-замките се поставени со цел – истражување на балканскиот рис и неговиот плен на планината Баба во склоп на Програмата за закрепнување на балканскиот рис(финансирана од Швајцарската фондација  MAVA). Одбрани се најдобрите локации каде претходно е забележано движење на  диви животни, а првите резултати од фото-замките ќе произлезат при првата проверка за две недели.

Инаку, првата фотографија на рис во НП Пелистер веќе е направена пред околу шест месеци што ни дава надеж дека во наредните месеци ќе успееме повторно да фотографираме рис и останати диви животни кои живеат на планината Баба.    

   

Декември - Нови патокази и табли за НП Пелистер - 27.12.2013

Нови патокази и табли за Националниот парк Пелистер


Центарот за развој на Пелагонискиот плански регион и Националниот парк Пелистер потпишаа договор со кој се овозможи донација на 11 информативни табли и 98 патокази на територијата на паркот. Во насока на подобро запознавање на туристите со локациите, беа промовирани туристичкиот водич и 4 кратки видео записи.

Промовирањето на проектот „Патокази кон потпелистерските села за зачувување и унапредување на туристичките потенцијали на Општините Битола и Ресен“, е уште една успешна соработка на Центарот за развој на Пелагонискиот плански регион и Националниот парк Пелистер, преку кој ќе им се олесни движењето на туристите што полесно да стигнат до одредени локации, изјави Емилија Ѓероска – директор на ЦРППР.
 

Патоказите водат по 4 патеки, најчесто започнуваат на битолска територија од националниот парк, а завршуват на ресенската страна. Дел се еднодневни, а некои патеки обезбедуваат и дводневни движења на туристите, со можност за преноќевање на Големо Езеро или друга локација. Каталогот и видеата овозможуваат туристот за конкретните локации да добие детални информации и контакт. Оваа донација е многу важна за Националниот парк Пелистер, особено што на национално ниво речиси и да нема патоказ како да се стигне до него, рече Амет Аџиу – директор на НП Пелистер.

Овој проект е надополнување на проектот реализиран минатата година кога се мапираа туристичките потенцијали на Баба Планина и се изработи студија преку која се обезбедени микролокациите за поставување на патоказите.

Декември - КОНФЕРЕНЦИЈАТА ВО БУДВА: Голема победа 2 - НАЦИОНАЛНИ ОБВРСКИ НА РЕПУБЛИКА МАКЕДОНИЈА - 02-05.12.2013

 

Ноември - 65 - РОДЕНДЕН НА НП ПЕЛИСТЕР

Јавната установаНационален парк Пелистер на 30 ноември ја прославува својата 65 годишнина од Прогласувањето за националенпарк. По тој повод во Информативниот центар на Пелистер, беше одржана свеченост на која присуствуваа повеќе гости и претставници на институциии установи од нашата држава.На почетокот од свечебоста беше отворена  фото изложба на битолкиот планинар Виктор Калаузи,под наслов: „Помалку познатиот Пелистер".

На свечениот дел присутните ги поздрави директорот на НП Пелистер, Амет Аџиу, кој се осврна на досегашните успеси и актуелното работење на НП Пелистер, нагласувајќи две битни компоненти на идното работење: создавање предуслови за развој на туризмот и равивање на таа гранка преку јавно – приватно партнерство, и проширувањето на меѓународната соработка на паркот со разни асоцијации и донаторски институции.

„За нас, сите генерации на вработени кои досега работеле, и ние кои сега работиме во Националниот парк Пелистер, е посебна гордост што биле дел, и што сме дел од историјата на првиот прогласен национален парк во Република Македонија и во поранешна Југославија. Се чини дека далечната 1948 година и тогашниот 30 ноември, од кога датира Националниот парк Пелистер пролетале за миг, но покрај нас опстојуваат видливо добро зачуваните и заштитените - китнести молики, богатата флора и фауна, непрегледните камени реки, извишените врвови на Баба Планина и гордиот Пелистер“ – нагласи Аџиу. 

 

Пред присуните се обрати и градоначалникот на Општина Ресен, Ѓоко Стрезовски, кој во својот говор ги потенцираше позитивните и успешни примери на соработка со НП Пелистер, како едни од носечките фактори во перспективното прогласување на Прекуграничниот биосферен резерват Охрид – Преспа.

 

Посебен акцент во свечениот дел беше ставен на презентацијата на професорот Николчо Велковски од Факултетот за шумарсво од Скопје, за значењето на моликата и потребата од обновување на старите моликови шуми, како би се зачувала компакната моликова заедница на Пелистер, главната карактеристика по која Пелистер се разликува од другите национални паркови во регионот и пошироко.

На свеченоста присуствуваа и претставници од Националниот парк Преспа и Асоцијацијата за заштита на Преспанското Езеро од Република Грција.

Ноември - ЗА „ДЕНОТ НА ДРВОТО“ НА ПЕЛИСТЕР Е ЗАСАДЕНА 6-ТАТА ПАРЦЕЛА СО „МОЛИКИ“ (27 ноември 2013 година)

За оваа есен, за „Денот на дрвото“, Јавната установа Национален парк Пелистер посади уште една нова парцела меѓу старите моликови стебла. Младата молика ќе биде негувана за да може да ги замени „старите другарки“, кои околу нив ги „јаде“ забот на времето.

 

Под хотелот Молика и над Историската патека на Пелистер, вработените на Јавната установа Национален парк Пелистер денес посадија околу 200 млади стебленца на борот „молика“ (Pinus peuce Griz.).  Ново поставената парцела е поставена за обнова на старата моликова шума, во малиот простор, кој сам од себе, со ветро и снего извали останал празен.

 

Оваа парцела е шеста по ред која во последните три години е засадена на Пелистер во локалитетот Бегова Чешма, со намера да се зачува „моликата“ на просторот на кој елата, како поинвазивен вид, сака да и го заземе местото. Од вработените на ЈУ НП Пелистер со оваа акција „моликата“ доби „помош“ да биде посадена и да расте онаму, каде сонцето и човечката рака ќе и овозможат опстанок и иднина. Ова е уште еден доказ дека на Пелистер, „моликата“ не е само терциерен реликт, туку симбол на најстариот Националниот парк во Македонија и некогашна Југославија.

Честит 65 роденден Пелистере! (Пелистер е прогласен за национален парк на 30 ноември 1948 година).

Ноември - СКРИЕНАТА КАМЕРА РЕГИСТРИРАШЕ РИС НА ПЕЛИСТЕР

 

Националниот парк Пелистер, покрај заштитата на растителниот и животинскиот свет во рамките на паркот, се повеќе полага внимание и на мониторингот и научното следење на дел од видовите кои се постојани жители на Пелистер. 

Иако повозрасните планинари и ловџии од Битола и околните села раскажуваа дека рисот е редовен жител на Пелистер, во последните години неговото присуство не беше забележано. 
 
Пред неколку дена на ренџерската служба на Националниот парк Пелистер среќата и се насмевна, и една од скриените камери успеа да регистрира ноќна снимка на рис. Така, покрај мечката, волкот, дивата свиња, лисицата, срните и срндаците, дивата коза и друг покрупен дивеч, сега можеме да се пофалиме и со автентично присуството на Балканскиот рис (Lynx lynx).
 
Нашата желба и настојување во иднина ќе биде да направиме дневна и поубава снимка на рисот, но сме со намера во идните наши аплицирања за проекти до разни донатори, да обезбедиме средства за целосно истражување на рисот на Пелистер, и да го утврдиме ареалот на неговото движење.
 
Инаку пред два месеца беше направена уште една снимка на две единки, кои многу наликуваа на рисот, но самата фотографија беше недоволно јасна, па заради тоа не го обзнанивме присуството на рисот на Пелистер. Имавме уште едно сведоштво за снимени крици, ноќна љубовна игра“ на рисот, која во обичен разговор, при посетата на Информативниот центар на Пелистер, ни ја спомена еден британски научник кој се занимавал со проучување на крици и гласови на птиците, но тоа го зедовме како позитивен но недоволен доказ. 
 
Еве, среќата сакала, толку посакуваното животно кое го има во помал број, во споредба со мечката, дивата свинја и другите на Пелистер, да биде евидентирано како жител на Националниот парк.

Ноември - РЕГИСТРИРАН РИС НА ПЕЛИСТЕР

 
Националниот парк Пелистер, покрај заштитата на растителниот и животинскиот свет во рамките на паркот, се повеќе полага внимание и на мониторингот и научното следење на дел од видовите кои се постојани жители на Пелистер. 
Иако повозрасните планинари и ловџии од Битола и околните села раскажуваа дека рисот е редовен жител на Пелистер, во последните години неговото присуство не беше забележано. 
Пред неколку дена на ренџерската служба на Националниот парк Пелистер среќата и се насмевна, и една од скриените камери успеа да регистрира ноќна снимка на рис. Така, покрај мечката, волкот, дивата свиња, лисицата, срните и срндаците, дивата коза и друг покрупен дивеч, сега можеме да се пофалиме и со автентично присуството на Балканскиот рис (Lynx lynx).
Нашата желба и настојување во иднина ќе биде да направиме дневна и поубава снимка на рисот, но сме со намера во идните наши аплицирања за проекти до разни донатори, да обезбедиме средства за целосно истражување на рисот на Пелистер, и да го утврдиме ареалот на неговото движење.
Инаку пред два месеца беше направена уште една снимка на две единки, кои многу наликуваа на рисот, но самата фотографија беше недоволно јасна, па заради тоа не го обзнанивме присуството на рисот на Пелистер. Имавме уште едно сведоштво за снимени крици, ноќна љубовна игра“ на рисот, која во обичен разговор, при посетата на Информативниот центар на Пелистер, ни ја спомена еден британски научник кој се занимавал со проучување на крици и гласови на птиците, но тоа го зедовме како позитивен но недоволен доказ. 
Еве, среќата сакала, толку посакуваното животно кое го има во помал број, во споредба со мечката, дивата свинја и другите на Пелистер, да биде евидентирано како жител на Националниот парк.

Август - ПЕЛИСТЕР БЕЗ ОТПАД ВО АКЦИЈАТА „МАКЕДОНИЈА БЕЗ ОТПАД 2013“

17 АВГУСТ 2013 - ПЕЛИСТЕР БЕЗ ОТПАД ВО АКЦИЈАТА „МАКЕДОНИЈА БЕЗ ОТПАД 2013“

"Здраватаживотна средина е предуслов за добро здравје и благосостојба на младата генерација", истакна министерот за животна средина и просторно планирање, Абдилаќим Адеми, кој денеска ги посети децата кои се на еднонеделнаа рехабилитација во Националниот парк Пелистер.

 

Во рамките на рехабилитација, децата учествуваа и во активностите на кампањата за чистење на национални паркови- "Македонија без отпад 2013".

 

Во активностите за чистење на Националниот парк Пелистер, покрај децата, беа вклучени вработените во Јавната установа Национален парк "Пелистер"; планинарските спортски клубови: "Пелистер" од Битола и "Димитар Илиевски-Мурато", исто така од Битола, НВО: "Младински културен центар" и "Биосфера", волонтери на Црвениот крст, вработените на хотелот Молика, компанијата "Еко клуб" и јавното претпријатие "Комуналец "од Битола.

Централните активности беа на туристичкиот локалитет Голема Ливада на Пелистер, и по целата планина, патеките и локациитеоколу Големото и Малото Езеро, "Антена" и патеки до таа локација, планинарскиот дом Копанки, Ловечка куќа , Палиснопје, Ластојчин Камен, Историската патека и околу Информативен центар.

Целта на кампањата е да се развие свеста за правилно управување со отпад и да развијат механизми со поддршка на граѓаните, општините и други засегнати страни за подобро да се справат со неструктурираното и нелегално депонирање отпад во заедниците и националните паркови. 

Јули - Студиско патување - Запознавање со природните бисери на Македонија и Албанија

 

Студиско патување низ националните паркови на прекуграничниот биосферен резерват Охрид-Преспа беше организирано од 17 – 20 Јули 2013 г. Организатор беше министерство за животна средина, шумарство и водостопанство на Република Албанија, а финансиската поддршка беше на KWF банката од Германија.

 

 

Студиското патување беше посветено на запознавање на новинарите и вработените во националните паркови со главните карактеристики на територијата на предложениот Прекуграничен биосферен резерват (ПБР) "Охрид-Преспа", кој ги опфаќа националните паркови Гасличица и Пелистер од македонска и Преспа паркот од албанска страна.

 

Особено внимание беше посветено на заштитените подрачја и управувањето со заштитените подрачја во двете соседни држави, и тоа: на политиките на заштита на природата, плановите за управување, однесувањето со посетителите, еко-туризмот, вклучување на локалните заедници и едукацијата за животната средина во контекстот на прекуграничната соработка.

 

Во рамките на посетата учесниците на студиското патување ги посетија: Охрид и Националниот парк Галичица, Националниот парк Пелистер, Битола и село Дихово во Македонија, Националниот пар Преспа, Мала Преспа, Корча, Поградец и Тушемиште во Албанија.

Јуни - ПРЕПОЗНАВАЊЕ И АФИРМИРАЊЕ НА ВРЕДНОСТИТЕ НА НАЦИОНАЛНИОТ ПАРК ПЕЛИСТЕР

Денес (17.06.2013 г.)  Националниот парк Пелистер беше домаќин на проектниот тим на „Парковите на Динарската верига“, со цел, со претставниците на засегнатите страни, или субјектите кои вон и во Паркот имаат дејности, кои се обавуваат во содејство со паркот, со намера тие да ги искажат и ситематизираат своите гледања за тоа кои се вредностите на Наионалниот парк Пелистер и како тие да им бидат доближени на јавноста.

Воведното излагање одржа претставникот на WWF, Дени Пореј, кој ги запозна присутните за значењето на проектот „Парковите на Динарската верига“ и со методологијата по која се работеше на работилницата. Методологијата е унифицирана за сите паркови од Динарската верига која опфаќа национални паркови и заштитени подрачја од Словенија, преку сите поранешни држави од бивша Југославија и Албанија, односно сите оние каде има протегање на динарскиот планински венец.

Инаку, оваа работилница е дел од Студиското патување низ Косово и Македонија, организирано за Парковите од Динарската верига, во рамките на кое беа посетени: Националниот парк Шар Планина во Косово и Националните паркови Маврово, Галичица и Пелистер во Македонија. Во рамките на таа посета во петокот (14.06.2013 г) околу 30 претставници на парковите од Словенија, Хрватска, Босна и Херцеговина, Република Српска, Србија, Косово, Црна Гора, Македонија и Албанија при посетата на Националниот парк Пелистер се запознаа со убавините и знаменитостите на паркот, го посетија Ластојчин Камен и старата моликова шума, па потоа по Историската патека се запознаа со настаните од Првата светска војна на овие простори.

  

Исто така, во Информативниот центар на Пелистер гостите беа поздравени од државнот секретар на Министерството за животна средина и просторно планирање на РМ, д-р Соња Лепиткова и  директорот на НП Пелистер,  Амет Аџиу и присуствуваа на презентација за работата на Министерството и заштитените подрачка кај нас, како и за поставеноста и работењето на НП Пелистер.

Во рамките на престојот во Битола, гостите од Парковите на Динарската верига го посетија и античкиот локалитет Хераклеја Линкестис. 

Април - НАЦИОНАЛНИОТ ПАРК „ПЕЛИСТЕР“ ГО РАЗВИВА ПЛАНИНСКИОТ ТУРИЗАМ

   

 

Националниот парк Пелистер е најстар национален парк во нашата држава и во бившо-југословенските простори, оттука, каква е неговата улога во поглед на заштитата на природата?

Откако, пред 64 години Пелистер беше прогласен првиот национален парк во тогашна ФНР Југославија, тој е синоним за парк во кој главната задача е заштитата на „моликата“, познатиот македонски бор, а покрај неа и на сите ендемични и ретки видови на растенија и животни кои виреат и живеат на падините на Баба Планина, од битолската и ресенската страна. Националниот парк како јавна установа има примарна задача да го зачува и штити природното богатство на Пелистер и да спроведува одгледувачки мерки со кои, организирано и на научна основа, ќе се врши заштитата на пределот и биолошката разновидност. Нашите шумо и ловочувари се „очите и ушите“ на заштитената планина и во секое време подготвени да се најдат на потребното место во планината. Епитетот најстар, некогаш значи и најголема обврска во организациски поглед, па ние како установа се обидуваме, со скромните ресурси до кои доаѓаме со нашето самофинансирање, значи самостојно, без формална поддршка на буџетот на државата, ги остваруваме сите потребни активности: мелиорација, посејување, заштита и отстранување на паднатите стебла од снего и ветро извали, одржување на инфра-структурата на сите излетишта во паркот и создавање на нови простори погодни за пријатен престој на туристите кои го посетуваат паркот.

 

Што е она што посетителите најмногу сакаат да го видат на Пелистер од страна на флората и фауната?

Искрено, тие би сакале да видат многу разновидни животински видови, а пред се и ретки и ендемични растителни видови, но за тоа е потребен подолг престој во планината. Пелистер не е резерват па ќе дојдеш на определена локација и ќе видиш мечка. Но многумина кои крстарат по бројните планински патеки, било оние кои почнуваат од с. Магарево, с. Нижополе, с. Брајчино, од кај Информативниот центар кон Цапарска Пресека или од Хотелот Молика кон Копанки, сите тие можат да се воодушевуваат на разновидната вегетација, убавиот поглед кон сите страни на светот што го дофаќа човечкото око (или подалеку, со двоглед), но и да сретнат по некое расшетано животно, птица или, зошто не и мечка, илибарем да видат свежа трага од нив на почвата. Најчесто во пролет се ужива во прекрасната пелистерска качунка, во лето во исправената жолта линцура или расцветаниот полегнат каранфил и уште стотици и стотици прекрасни цветови низ шумата или по пелистерските падини... Тоа е се на дофат, но заштитено и зачувано, за во мирисот на планинското цвеќе да ужива оној кој се одважил да излезе на утринска прошетка, или тргнал во искачување кон еден од 20-тината високи врвови (над 2000 мнв). Да не зборуваме за оние среќници кои одејќи кон повисоките предели можат да го видат и реткото пелистерско ендемично цвеќе пазикуќа, или во близина на Големото Езеро да ја видат Црвеноклуната галка како сјае со своите црни пердуви и црвен клун на пелистерското сонце. За китнестите гранки на моликата и етеричниот мирис што го шири од испарувањето на топлото летно сонце, и да не зборуваме...

Има работи кои не сакаме да ги види посетителот, пример таблите пред чешмите каде што пишува дека водата не е за пиење што е директна последица од фекалните отпадни води од туристичките објекти што ние како установа немаме никакво влијание врз нивното работење. Со помош на Владата на РМ се надеваме дека во блиска иднина ќе се реши и прашањето на колекторскиот систем со или без пречистителна станица.

 

Во последно време се прават напори од страна на Владата да се развива туризмот и во националните паркови, што НП Пелистер прави во таа насока?

Од минатата година почна да се зборува поорганизирано за развојот на туризмот и во националните паркови. Најнапред од нас беше побарано да изработиме два стратешки документи за развој на туризмот: Студија за развој на Националниот парк Перлистер за туристички потреби и Акционен план за развој на туризмот во ЈУ Национален парк Пелистер. И во двата документи главната насока е во создавањето предуслови за планирање и развој на туризмот. Но, пред нас се исправува еден сериозен проблем, а тоа се потребнитете средства, кои ние не можеме да ги обезбедиме преку нашето самофинансирање, кое се потпира на ограничената мелиорација со само 5 % од дрвниот фонд. Во минатото средствата за самофинансирањ ја подразбираа само заштитата на Паркот и не било предвидено посебно инвестирање во развојот на туризмот. За развојна намена потребни се посебни, и би рекле многу поголеми инвестициони средства од она намена за што бил основан паркот – заштитата.

Какви се размислувањата за подобрување на инфраструктурата во паркот за создавање поголеми погодности за туристите?

Од страна на Владата од националните паркови како установи беше побарано да изработиме и Акционен план за развој на посебни форми на сместување во националниот парк, во кој документ се предвидуваат активности за задоволување на идните туристички потреби: како објекти за сместување, адаптирани или нови (ако за тоа се најдат средства), изградба и обележување на нови патеки, видиковци, паркинзи, нова инфраструктура и посебни простори за кампување. Сето тоа бара дополнителни средства, за што мораме да се ориентираме кон донации и странски грантови, па дел од тоа ќе се обидеме да го обезбедиме со аплицирање на новиот повик за прекугранична соработка Македонија-Грција. Но таму конкуренцијата со проектите е многу голема и многубројна, па искрено, не можеме со сигурност да се надеваме дека токму Пелистер како апликант ќе биде и добитник на некој од одобрените проекти од ИПА фондовите. На последниот повик аплициравме со шест проекти со грчки партнери и два влегоја како прва резерва, но проект не се доби. Во меѓувреме, за аплицирање за инфраструктура треба да се остварат и определени технички предуслови, како што на пример е добивањето на територијата на паркот на трајно користење од Република Македонија. Само така ќе можеме со соответна катастарска  документација да аплицираме пред донаторите, бидејќи за секоја апликација во која се бараат средства за градба на инфраструктурни објекти првиот предуслов за учество кај ИПА фондовите и фондовите на другите донатори е документацијата за урбанистичко решение и дозвола за градба за определен објект, која мора да гласи на самиот апликант.

  

Судејќи според неодамна потпишаните акти за соработка со други субјекти Националниот парк Пелистер е активен и на меѓународен план. Кои се приоритетите на тоа поле?

Нé радува што Националниот парк Пелистер е активен дел од идниот Биосферен резерват Охрид – Преспа, за кој апликацијата пред УНЕСКО треба да биде поднесена во септември оваа година (помеѓу Македонија и Албанија, со отворена можност да се вклучи и Грција). По таа основа, но и по основа на членство во СВГ –  Работна група на ЕУ (меѓувладина организација) за рурален развој на Југоисточна Европа, ние имаме чести контакти, работилници и едукативна надградба со субјекти од  Албанија, Косово и Македонија. Ние сме една од најактивните членки во Проектот - Парковите на Динарската верига, каде заедно со Маврово и Галичица, сме членка и придонесуваме за развојот на новиот туристички бренд  „Паркови Динариди“. Токму деновиве во нашите и медиумите на сите бившо-југословенски простори и Албанија, тече атрактивна кампања за „Парковите Динариди“. Во јуни месец ги очекуваме претставниците на Парковите од Динарската верига од Албанија, Босна и Херцеговина, Косово, Република Српска, Словенија, Србија, Хрватска и Црна Гора да ги посетат македонските национални паркови и низ размена на искуства да дознаат повеќе за нашето работење. Веднаш потоа со овој проект за нашите национални паркови ќе биде спроведена и работилница низ која ќе се утврдат посебните вредности на Пелистер, Маврово и Галичица како национални паркови. Со зачленувањето во „Европарк“ асоцијацијата на европските паркови со седиште во Регенсбург, Германија, се вклопуваме и во високите стандарди на ова парковско семејство, од каде веќе има покани за нови форми на едукација и размена на искуства од работењето. Ние исто така развиваме и плодна соработка со странски научни и други институции, но и со повеќе НВО, особено од Албанија и Грција.

Дали во развојот на туризмот имате соработка со туристичките агенции или туроиператорите и колку тие се расположени да го вклучат Националниот парк Пелистер како интересна дестинација?

Ние сме правеле повеќе обиди да се вклучиме во туристичката агенда на агенциите кои носат странски туристи во Македонија, во т.н. масовен влезен туризам. Најголем проблем е што агенциите кои ги носат туристите на еднодневна посета на Битола треба да не вклопат со дополнителни 1- 2 часа престој во Националниот парк (поминување барем до Инфоцентарот и по т.н. Историска патека), што за нив е дополнителен ангажман. Но во тој правец ќе продолжиме да бараме наше место во нивната агенда и очекуваме да најдеме взаемно поволна солуција со агенциите.

 

Кои се вашите идни планови за развој и промоција на Националниот парк Пелистер?

Деновиве отпечативме нова туристичка карта за Баба Планина и Националниот парк Пелистер, која во моментов може да се набави во нашиот Инфоцентар на Пелистер, а ќе пробаме да ја дистрибуираме и по бензиските пумпи на излезите – влезовите на Битола и пошироко.  Во подготовка е и еден флаер на англиски јазик со атрактивностите на Пелистер, кој ќе го дистрибуираме до сите хотели и агенциии во Битола, Охрид, Ресен и во Скопје, со намера да го приближиме Пелистер до странските посетители. Ние секоја година имаме и посетители кои претходно се јавуваат на нашата мејл адреса и бараат податоци и објаснувања, а потоа во текот на летото го посетуваат Националниот парк, што е добар сигнал дека преку нашата веб страница   www.park-pelister.com и социјалните мрежи, Пелистер е познaт за љубителите на планината и меѓу планинарите ширум светот .

Март - Потпишан Меморандум за соработка помеѓу НП Пелистер и Друштвото за заштита на Преспа (Грција)

 

На 15 март 2013 г. во Информативниот центар на Пелистер, се потпиша меморандум за меѓусебна соработка од страна на Националниот парк Пелистер и Друштвото за заштита на Преспа од Агиос Германос, Република Грција. Преку оваа соработка се очекува проширување на дејностите кои Националниот парк Пелистер ги има во својот дел кон страната на Преспанското Езеро.

 

 

По потпишувањето на Меморандумот, беше отворена едукативна изложба под наслов „Автентичноста на рибното богатство на Преспанското Езеро“ која е посветена на рибите кои живеат во Преспанското Езеро и Преспанскиот слив, на кој припаѓаат и дел од реките кои извираат во Националниот парк Пелистер.

 

Исто така, во изложбениот простор на Информативниот центар, беше отворена и изложбата на фотографии „Пелистер, флора, фауна, бескрајна убавина, на битолчанецот Иван Трпков, посветена на природните богатства и убавините на Пелистер.

Февруари - ПЕЛИСТЕР Е ПЛАНИНСКИОТ БИСЕР НА МАКЕДОНИЈА

 

ПЕЛИСТЕР Е ПЛАНИНСКИОТ БИСЕР НА МАКЕДОНИЈА 
 
ИНТЕРВЈУ СО АМЕТ АЏИУ, ДИРЕКТОР НА НП „ПЕЛИСТЕР“ – БИТОЛА, - Дарко Штаргоски, „ПАТОКАЗ“ – Магазин за туризам и бизнис, бр. 14, јануари 2013
 
Без мала скромност може да се каже дека Пелистер е една од најубавите планини во Eвропа. Што е она што Пелистер го прави поразличен од сите други национални паркови?
 
      
 
 Националниот парк Пелистер се вбројува во најзначајните природни добра на Балканот, како во однос на геолошките, геоморфолошките и хидролошките вредности, така и во поглед на флората, фауната и вегетацијата. Основата на теренот на Пелистер е составена од метаморфни гранити карпи, дел од кои се со старост од околу 465 милиони години. 
Пелистер се издвојува по неговите периглацијални релјефни облици – камените реки, кои на повеќе места достигнуваат и до 3 км. должина. Високопланинските предели на Пелистер се исполнети и со т.н. камени мориња (морени) и слизнати блокови. 
Покрај овие специфики, на Пелистер со својата убавина пленат и двете постојани планински езера (Големо и Мало), од кои посебно привлечно за туристите е Големото Езеро. Националниот парк го красат и околу 25 издашни реки, од кои најпознати се Црвена, Сашунчица, Шемница, Цапарка и Ротинска река. 
Она според што Пелистер како национален парк е особено привлечен за туристите и обичните посетители, но и за научниците е неговата „молика“ – или македонскиот бор (Pinus peuce Grisebach). На Пелистер моликата претстатвува најкомпактна заедница со над 2.500 ха од овој шумски вид, откриен од познатиот германски ботаничар Август Гризебах во 1839 година. Старите моликови стебла на Пелистер (некои и со старост од 250 години) се една од главните шумски атракции околу месноста Ластојчин Камен.
Посебно би сакал да ги посочам и значајните културно-историски споменици кои можат да се посетат на битолската и преспанската страна од Пелистер, од средниот век над 30 цркви и манастири, пример, познататра црква Св. Ѓорѓи во с. Курбиново, или од периодот на антиката (патот Виа Игнација).  
 
 
Што е она што посетителите можат да видат на пелистер од страна на флората и фауната, а го нема на ниту едно друго место?
 
На територијата на Националниот парк Пелистер над 20 растителни видови се сметаат за посебно вредни, а како локални ендемити кои растат само на Пелистер се: пелистерската небесна роса (Alchemilla peristerica), пази-куќа (Sempervivum octopodes). Од посебно значење се и стаништата на ретки флорни елементи: раздвоениот женски папрат, нежната сипка, убава вдовица, густо-цветно плускавче, дефлерова темјанушка, теснолистниот каранфил и др., кои на територијата на Македонија се ограничено распространети. 
Особено значајни се и оние растенија кои во своето име го содржат поимот Пелистер и виреат како специфични во националниот парк: пелистерската качунка (Crocus pelistericus), пелистерската власеника (Festuca pelisterica).
Од животинските видови би ги издвоиле: ендемичната пелистерска поточна пастрмка (Salmo trutta peristericus), пелагониската поточна пастрмка (Salmo trutta pelagonicus) и амфиподното ракче (Nipargus pancici peristerica), кое досега е регистрирано како вид само во Големото Езеро на Пелистер...
 
 
Колку посетители годишно доаѓаат на пелистер и од кои држави има најмногу странски туристи?
 
Според нашата евиденција во изминатите години на Пелистер поминале или престојувале околу 33 – 35.000 посетители. Воглавно тоа се посетители од нашата држава и особено од Битола и околината, но треба да нагласам дека околу 15 % од нив се странски туристи кои најмногу го посетуваат Пелистер за време на летната сезона. Претежно се тоа туристи од: Холандија, Израел, Германија, Италија, Полска, Чешка, а од минатата година и туристи од Финска. Доста голем е бројот на посетители од Автралија, Америка и Канада (добар дел од нив се наши иселеници кои го посетуваат родниот крај), како и посетители од Албанија, Грција, Бугарија, Србија, Словенија, Хрватска...
 
 
Според вашето искуство што е она што најмногу ги привлекува туристите?
 
Најмногу од туристите доаѓаат на Пелистер за да уживаат во искачувањето на Врвот Пелистер и посета на Големото и Малото Езеро, добар дел од нив се планинари кои секоја година учествуваа на планинарските маршеви на Пелистер, од кои најголемиот е посветен на Димитар Илиевски – Мурато (битолчанецот кој трагично загина по освојувањето на Монт Еверес). 
Покрај неколкуте планинарски друштва од Битола чии членови секој викенд се редовни посетители на планинските височини, бројни се и посетителите кои во лето уживаат во природната ладовина на излетничките места: Печурка, Голема Ливада, Мала Ливада, Копанки, Ластојчин Камен и Палиснопје. Пејзажот, прекрасните глетки, големата видливост надалеку од планинските врвови на Националниот парк Пелистер, како и посебно убавата глетка кон Преспанското Езеро се најпривлечните елементи за туристите, а особено се пријатни прошетките низ прекрасните моликови шуми. 
 
 
Освен уживањето во прекрасната природа кои други видови на туризам ги нуди националниот парк ? 
 
Националниот парк Пелистер посебна грижа води за одржливиот развој и заштитата на природата, во рамките на што, посебно место завзема развојот на руралниот или еко-туризмот, културниот и здравствениот туризам. 
Пелистер на туристите посебно им нуди големи можности за планински велосипедизам, со своите обични патеки и патеката за екстремен велосипедизам на која се одржуваат државни и меѓународни натпревари. Им овозможува планинарските тури за искачување за разни категории на планинари со различна кондициона подготвеност, за рекреација и фото-сафари. Патеката по камењарот е посебен предизвик за планинарите кои го посетуваат Пелистер, а на две делници, над с. Магарево и кон Црвени Стени се наоѓаат карпите кои алпинистите ги користат за искачување. Параглајдерството, заради постојаните струења на воздухот, има големи можности и претставува посебна атракција за љубителите на овој спорт. Во зимската сезона ски-центарот Копанки им нуди можности за скијање на љубителите на скијањето и санкањето.
 
 
Дали Националниот парк Пелистер соработува со други меѓународни институции, национални паркови или туристички агенции за да се зголеми посетеноста во паркот?
 
Соработката на Националниот парк Пелистер со домашните и странски институции, од науката до туризмот, е бројна и плодна. Пелистер е член на асоцијациите Европарк (430 паркови од над 35 европски земји) и Динаската Верига (која брои моментно 75 паркови) и е активно вклучена во апликацијата за воспоставување на Биосферниот резерват Охрид – Преспа, со Националниот парк Преспа од Албанија и Галичица и Пелистер од Македонија, а со очекување во биосферниот резерват да им се придриужи и Преспа паркот од Грција. Во рамките на оваа иницијатива посебно внимание се посветува на одржливиот туризам и на релацијата човек – развој – природа. 
Од друга страна, преку аплицирањата за претпристапните фондови на ИПА прекуграничната соработка, Пелистер развил и развива контакти и соработка со бројни институции и субјекти од Албанија и Грција.
 
Со кои активности и дали на некој начин пелистер се промовира и во странство?
 
Тоа го правиме со наши редовни прилози во заедничката веб страница на Динарската верига и нејзиниот блог, потоа со редовно учество на дел од саемите во нашата држава и со посета на меѓународни саеми за туризам. Во соработка и со нашите туроператори и преку соработка со Агенцијата за развој на туризмот на РМ, Пелистер се обидува да се промовира како туристичка дестинација и во странство. 
Но, во тој правец останува неможноста да се промовира со комплетна услуга за посетителите, бидејќи сите смествувачки капацитети на Пелистер се или во сопственост на други правни субјекти или се во приватна сопственост, па Националниот парк не може да им понуди интегрална туристичка услуга (посета и смествање) на неговите посетители.
 
Кои се вашите идни планови за развој и промоција на Националниот парк Пелистер?
 
Со оглед на големата заинтересираност за развој на туризмот во Националниот парк Пелистер, изработени се и развојни акциони планови на институцијата кои предвидуваат во перидот до 2016 година да се зголеми бројот на обележаните патеки и да се изградат уште неколку патеки за туристите, потоа да се изгради во близина на Информативниот центар посебен арборетум и алпинетум (ботанички градини од кои едната со посебни водени и релјефни карактеристики). 
Исто така треба да се изврши дополнување на содржините во Информативниот центар со повеќе видови од флора и фауна, да се изврши електрификаци и ставање во туристичка употреба на шумарските куќи на Голема Ливада и во месноста Дервен, да се уреди за посетители Езерцето „Макази“ на преспанската страна, како и да се изградат доплнителни паркинзи и камп простори и неколку нови видиковци. Како скорешна заложба е и пуштањето во употреба на веќе трасираната коњаничка патека во с. Маловиште.
Мораме да кажеме дека без поголема финансиска поддржшка од релевантните институции во државата, Националнио парк Пелистер не ќе може со сопствени сили да регулира некои инфраструктурни прашања како што се: патната мрежа, пречистителната станица, и сл., но со оглед на развојните стратегии на државата, очекуваме и овие прашања да бидат разрешени во иднина. 

Јануари - ПОТПИШАНИ МЕМОРАНДУМИ ЗА СОРАБОТКА СО - ФРАНЦУСКАТА АСОЦИЈАЦИЈА „ВОРКИНГ ТУГЕДЕР“ И СО ЗДРУЖЕНИЕТО „ПАГАЗ-ЕДУ“

ПОТПИШУВАЊЕТО НА МЕМОРАНДУМИТЕ

 

ГОСТИТЕ ОД ФРАНЦИЈА КАЈ ГРАДОНАЧАЛНИКОТ

ВЛАДИМИР ТАЛЕСКИ

 

 

 

 

 

Јануари - ВО ПОЖАР ИЗГОРЕ ПЛАНИНАРСКИОТ ДОМ КОПАНКИ НА ПЕЛИСТЕР - НОЌТА ПОМЕЃУ 27 И 28 ЈАНУАРИ 2013 ГОДИНА

НАЦИОНАЛНИОТ ПАРК „ПЕЛИСТЕР“ ИЗРАЗУВА ГОЛЕМО ЖАЛЕЊЕ ЗА

СИНОЌЕШНИОТ ПОЖАР КОЈ НАСТАНАЛ ВО ПЛАНИНАРСКИОТ ДОМ „КОПАНКИ“.

 

СО ПЛАНИНАРСКИОТ ДОМ „КОПАНКИ“ КОЈ СЕ НАОЃА ВО ТЕРИТОРИЈАТА НА НАЦИОНАЛНИОТ ПАРК,

СТОПАНИСУВАА ДВАЈЦА ПРИВАТНИ СТОПАНСТВЕНИЦИ, КОИ ДОМОТ ГО ДОБИЈА НА КОРИСТЕЊЕ

ОД ПЛАНИНАРСКИОТ СПОРТСКИ КЛУБ „ПЕЛИСТЕР“, А КОЈ ОВОЈ ДОМ ГО ИМА ДОБИЕНО

НА ТРАЈНО КОРИСТЕЊЕ ОД ВЛАДАТА НА РМ.

 

Ноември - НА СРЕДБА СО ПЛАНИНАРИТЕ ОДБЕЛЕЖАНА 64-тата ГОДИШНИНА НА НАЦИОНАЛНИОТ ПАРК ПЕЛИСТЕР

НА СРЕДБА СО ПЛАНИНАРИТЕ ОДБЕЛЕЖАНА 64-ТАТА ГОДИШНИНА НА НАЦИОНАЛНИОТ ПАРК ПЕЛИСТЕР

 

 

На 30 ноември 2012 година Националниотпарк Пелистер одбележа 64 години постоење. Пелистер е првиот зо закон прогласен за национален парк во Република Македонија и во бившата заедничка држава - СФР Југославија.

На овогодишната скромна прослава беа отворени две изложби на фотографии, беа доделени благодарници на заслужни планинари и љубители на природата, а директорот на Националниот парк Пелистер, г-динот Амет Аџиу пред присутните ан свеченоста зборуваше да остварените резултати во 2012 г. и плановите за развој на Националниот парк.

Фото изложбите кои беа отворени се посветени на Пелистер:

 

- „Прошетка низ Пелистер со Горан Петровски“ - автор е Горан Петровски

 

- „Доживувањата на „Ризичната група“ - колекција на фотографии од љубители на Пелистер кои себеси во дружењето се нарекле „Ризична група“

Во чест на годишнината на присутните им се обрати и директорот на установата, г-дин Амет Аџиу, кој посочи дел од овогодишните активности на Националниот парк Пелистер:

 

Врз основа на обврските  по годишната програма за заштита на природата, Јавната установа,   во текот на 2012 година спроведе активности по препораките  од  повеке студии за ревитализација и контрола на шумски екосистеми , изготвена е десетгодишна програма за унапредување , заштита и одгледување на фауната, а посебна грижа е посветено на изработката на долгорочната програма за заштита од пожари и врз основа на тоа  се превземени превентивни мерки односно воспитно образовни, информативно- пропагандни мерки со организирање на средби со граѓаните од подпелистерските села за укажување на опасностите и последиците од пожари .

Покрај тоа, се преземени и подготвителни мерки– изградба на наблудувацница за откривање на пожари, постојано обучување на гасначите, набавка на соодветен алат, 20 тонска цистерна за вода како резерва, а во наредната година планираме да набавиме и противпожарно возило за брза интервенција,  и можам да речам дека благодарение на севкупниот  ангажман,  а пред се на  зголемената еколошка свест на граѓаните,  ова година бевме поштедени од таквите несакани појави.

Бидејки Пелистер  изобилува со непроценливи природни и културни вредности, наша цел,пред се е да имаме посетители во поголем број. Бараме од туроператорите и Пелистер да се препорача во нивните туристички дестинации,  барем еднаш, после се надевам од тоа што ќе видат  сами ќе доаѓаат. Постојат повеке предуслови за развој на рекреативниот и еко  туризам,но во смисол на комплетна туристичка понуда засега многу не можеме да ветиме. Постојат многу ограничувачки фактори. Сместувачките капацитети  не се во наша сопственост и многу малку можеме да влијаме, планинарските домови исто така, значи ние управуваме со неколку шумарски куќи и Информативниот центар. Фалат многу инфраструктурни објекти, значи, и  покрај големата желба за подобрување на затекнатата состојба,без финансиска подршка од Владата, Општината Битола и Ресен и  меѓународни донации не ќе можеме многу да промениме.

Имајки ја предвид стратешката определба на Владата на РМ за интензивен развој и на планинскиот туризам, веројатно  и ние како Национален парк ќе сме дел од соодветните инвестициони проекти.

Со органите на Локалната самоуправа имаме одлична соработка и се надеваме и на реална финансиска подршка , нормално,  спрема нивните можности.

            На последниот повик на ИПА Фондовите за прекугранична соработка аплициравме со неколку квалитетни  проекти и се надеваме на позитивен исход.

На меѓународен план во 2012 година се превземени следнитеактивности

-          НП Пелистер стана равноправен член на ЕУРО ПАРК ФЕДЕРАЦИЈАТА со седиште

-          Потпишавме декларација за посветеност за воспоставување на прекуграничен Биосферен резерват Охрид –Преспа + НП Пелистер под УНЕСКО МАБ Програмата,со што се обезбедува одлична подлога за балансирање на  заштитата на биолошката разновидност и социоекономскиот одржлив развој на локалното население на овој прекуграничен регион т.е (дел од Македонија Грција и Албанија)

-          Активно сме вклучени во проектотПАРКОВИТЕНА ДИНАРСКАТА ВЕРИГА со што се формира мрежа од  75 паркови од  Словенија до Македонија + Албанија, за соработка и заеднички настап како бренд, бидејки овие заштитени подрачја со ништо не заостануваат од други најпознати светски дестинации.

 

 

Октомври - Честит 11-ти Октомври

Септември - Потпишана декларација за аплицирање за добивање статус на УНЕСКО резерват Охрид - Преспа

 

               Градоначалниците од регионот Охрид - Преспа од македонска и албанска страна, заедно со директорите на Националните паркови Пелистер и Галичица од македонска и Преспа, од Албанска страна, денеска (28.09.2012 г.) во Корча, Албанија потпишаа декларација за воспоставување на биосферен резерват под УНЕСКО во овој регион. Со прогласувањето на биосферен резерват, се отвара патот УНЕСКО да го прогласи овој предел за светско културно и природно наследство. 
               Претставникот на германската KWF банка Волфганг Фримут , која дава поддршка за прогласување на овој прекуграничен биосферен резерват, вели дека резерватот треба да се сфати како отворен процес во кој можат да се приклучат сите релевантни и засегнати страни. Тој ќе придонесе за зачувување на овој единствен еколошки и историски прекуграничен регион, како и за промовирање на социо-економскиот развој на луѓето што живеат тука.
 
             Документот за заштитените подрачја во крајбрежните земји ќе ги усогласи потребите за подобар живот на локалното население, како и  за одржливото искористување на природните ресурси. Билатералниот Секретаријат за заштита на Охридското Езеро е коорганизатор на процесот за прогласување на Охрид - Преспа за биосферен резерват под УНЕСКО, како една од главните цели на Билатералниот Договор за заштита на сливот потпишан од страна на Владите на Македонија и Албанија. Прогласувањето на овој регион за биосферен резерват ќе значи утврдување на границите на тој резерват и зонирање на активностите внатре во тие граници, а со влегувањето под УНЕСКО заштита ќе се унапредат и можностите за туристичка промоција на регионот во светот.
 

Август - Министерот Адеми во посета на децата на Пелистер (16 август 2012)

 

Министерот за животна средина и просторно планирање Абдилаќим Адеми заедно со градоначалникот на општина Велес, Горан Петров го посетија Детското одмаралиште на Пелистер, каде се сместени децата заболени од болести на респираторниот систем, анемии, алергии и слично, како последица на енормното индустриско загадување на локалната средина во која живеат.
 
 
 
Активноста е дел од годишната програма на Министерството, а е во организација на Друштвото на родители за грижа за здраво поколение од Велес. Министерот Адеми при посетата истакна дека заложбите на Министерството и Владата се во насока на продолжување на престојот на децата и зголемување на буџетот предвиден за остварување на овие активности со кои директно се влијае на подобрување на здравјто на младата популација.
 
 
 
МЖСПП од буџетот издвојува средства во висина од 1 200 000, 00  денари и со таа сума ги покрива трошоците за неделен престој на 150 деца. 
 
Дваесет деца се финансирани како социјално загрозени деца од Министерството за труд и социјална политика и 10 деца oпштина  Велес.
 
Вкупно е обезбедена рехабилитација на 240 деца и 22 лица како персонал (лекари, воспитувачи и др.) и тоа 150 деца од Велес, 30 од с.Миладиновци – Илинден, 30 од Осломеј-Кичево и 30 од с.Возарце - Кавадарци.
 
Децата се сместени во детското одмаралиште на Пелистер бидејки е утврдена лековитоста на моликата, а подобрувањето на нивната здравствена состојба по престојот и климатската рехабилитација, лекарски е докажана.
 
Во рамките на посетата, министерот Адеми беше информиран и за други содржини кои се дел од овој проект и со кои се развиваат позитивни однесувања кон животната средина. Имено, децата реализираат низа еко активности посветени на здравата и чиста вода за пиење со која изобилува поблиската и подалечна околина на Детското одморалиште Пелистер, потоа се остваруваат ликовни работилници, изработување на стрипови на тема: Зелена мисија, литературни записи и еко информатор, како составен дел од летниот дневник кој децата го подготвуваат како автентичен извештај за Министерот за животна средина и неговиот тим. Во летниот дневник, преку фотографиите од културно забавниот живот, спортските активности, а особено од прошетките во природа, зрачи детската среќа, задоволство и благодарност за можноста заедно да се рехабилитираат и да се дружат со природата.

Јуни - ПЕЛИСТЕР ВО ШЕЕСЕТТИТЕ

 

Петок, 15 Јуни 2012

Како помлад, крстарејќи низ Пелистер, се што ќе запнело за неговото око авторот го регистрирал.  Михајло Стерјовски е битолчанец кој во 1960 та, во црно бела техника, напавил фотографии од убавините на битолскиот бисер Пелистер.Денеска беше отворна неговата изложба.

 

„Со оваа изложба го почнуваме циклусот изложби, прва беше на битолските планинари,и на љубителите на Пелистер од Битола,колективнаизложба"- вели Пеце Цветановски НП Пелистер, а сега стартуваме со индивидуалните фото изложби на љубителите на планината. - Денес ја отворивме изложбата во која преку фотографиите на битолчанецот Михајло Стерјовски се навраѓаме на пелистер во 1960-години. Целта на ваквите изложби е да се прикаже каков бил и каков е денес Пелистер, колку изгубил и дали се изменил во текот на годините, или сеуште е раскошен со своите непроценливи природни убавини. 

Мојата љубов од детството е кон овие борови, планината, потоците, карпите."- истакнува Михајло Стерјовски авторотна изложбата.

 

 

 

Изложбата во Инфо Центарот, ќе биде во наредниве 2 месеци.

Јуни - ОДБЕЛЕЖАН 5 ЈУЛИ СВЕТСКИОТ ДЕН НА ЖИВОТНАТА СРЕДИНА

 

Националниот парк Пелистер заедно со Основните училишта „Коле Канински “ и „Елпида Караманди“ и Здружението „ОХО“  денеска на плоштадот Магнолија организираа еко – настан, за будење на еколошката свест кај луѓето. Учениците презентираа рељефна уметност по повод 5- ти Јуни светскиот ден на животната средина. 
Светскиот ден на животната средина се прославува секоја година на 5 јуни, за да се подигне свеста за потребата да се преземат позитивни еколошки акции. Секоја година темата е различна. За 2012 темата е зелената економија. Токму   ова е поводот  за настанот што го реализираа  Основните Училишта „Коле Канински“ и „Елпида Караманди“ од нашиот град во соработка со Здружението на граѓани ОХО и НП „Пелстер“.
Проектите што ги изработија децата носат порака до сите граѓани за зачувување на животната средина. Пораката што ја носи  проектот за галичката пеперутка беше и награден.
Проект – активностите што ги изработија учениците  под менторство на своите ученици е со цел „Интеграција на еколошката едукација во македонскиот образовен систем“. Во целата таа активност добродојдена е и помошта од НП „Пелистер“.
Според Оргтанизацијата  на Обединетите нации зелена економија е економијата што резултира со подобрена човекова благосостојба, раст на приходите и вработувањето, намалување на емисиите на јаглерод и загадувањето и да се зачува разновидноста и богатството на природата.

Април - РОТАРИ КЛУБ БИТОЛА - ДОНИРАНИ ПОДВИЖНИ АПАРАТИ ЗА ГАСНЕЊЕ ПОЖАР

Противпожарни апарати за Националниот парк „Пелистер“ .

Среда, 04 Април 2012

   

 Откако собраа средства на донаторската забава која беше наменета за собирање средства за набавка на 11 подвижни противпожарни апарати наменети за почетно гасење на пожарите, Ротари клубот од Битола денес им ги предаде на Националниот парк „Пелистер". Вредноста на донацијата е 1000 евра.

- Не е суштината во самата вредност на донацијата, туку во фактот што веднаш реагиравме после она што се случи минатото лето, големиот пожар кој го зафати Пелистер. Со оваа донација сакавме да иницираме еден домино ефект, други донатори и властите кои располагаат со средства да се придружат и да ги набават потребните материјали за Националниот парк „Пелистер", изјави Игор Неделковски, претседател на Ротари клуб Битола.

Оваа донација за Националниот парк е драгоцена.

- Се надевам и ќе бидам пресреќен ако оваа опрема не се користи. Сите треба да се фокусираме за заштита на природното богатство, изјави Амет Аџиу, директор на Националниот парк Пелистер.

            Ротари клубот се задоволни од соработката со Националниот парк.

            - И со претходниот и со сегашниот директор, Националниот парк е една од ретките институции кои се вклучени во нашата акција со насока што им треба. Почетно дојдовме со друга идеја, но завршивме со ова, бидејќи корисникот имаше други потреби. По наше искуство кога се донира нешто без консултација на корисникот, таа донација нема да има вредност, нагласи Неделковски. 

Јануари - ВО ИНФО-ЦЕНТАРОТ ПОСТАВЕНА ЗБИРКА СО 120 ПЕЧУРКИ КОИ РАСТАТ НА ПЕЛИСТЕР

 

NOVO – NEW – НОВО

12О видови (од вкупно околу 400) на печурки кои растат на Пелистер можат да се видат во Инфо-центарот на Пелистер – Причина повеќе да испиете чај или кафе и да ја запознаете најубавата планина. Тел. (047) 237 - 010

 

Јануари - PRESIDENT IVANOV AND DIPLOMATIC CORE AT WINTER WALK ON PELISTER

15-01-2012

President of Republic of Macedonia, Gjorgje Ivanov and Diplomatic Corr have visited the Info-center of National Park Pelister and was on winter walk to the place Lastojcin Kamen near the hotel Molika on Pelister  

     

Јануари - ПРОШЕТКА ВО ПРИРОДА НА ПЕЛИСТЕР ЗА ДИПЛОМАТСКИОТ КОР

 

Недела, 15 Јануари 2012

По синоќешниот новогодишен прием кој се случи во Заводот и музеј, денеска екселенциите и шефот на државата, се качија на Пeлистер каде беа пречекани од домаќинот, градоначалникот Талески.Првично го посетија Информативниот центар или на „Лазо Вилата" каде со топол чај, и презнетација им беше прикажано од вработените во Националниот парк Пелистер со кои убавини располага паркот.

„Па дипломатскиот кор и претстедателот ги пречекавме и ги почестивме со топол чај, пропратно со рум и лимон кој како милува и на крај ги почестивме со традиционална домашна топла ракија."- вели Сашо Мицевски директор на НП Пелистер

„После 20 години решиме да ја проемниме традицијата и тој новогодишен приме да го напавиме малку поинков еве вака на пример на амбасадорите има ја покажавме македонија во малку поинакво светсло и со се што таа располага како овде во Битола каде градоначалникот си ги претстави сите всои проекти па и овде на Пелистер сега амабасадорите искуствата ќе ги однесат во своите земји од каде ќе чекаме туристи."- истакна Ѓорѓе Иванов претстедател на РМ

„Ние ја имавме една така да речам работна среда со дипломатскиот кор каде ги претставивме сите наши проекти , убава можност за промоција на нашите потенцијали"- вели м-р Владимир Талески градоначалник

Посетата продолжи кон хотелот Молика од каде дипломатите се упатија кон местото викано „Ластојчин камен" беа запознаени со паноата на кои стои испишана историјата на месноста, податоци за надморската височина и слично.Прошетката по кафе паузата и ручекот во хотелот Молика продолжија.

- Моликовите шишарки од Пелистер-украс на европските божикни елки

 

Моликовата шишарка  во изминатите години стана можност за егзистенција на многу семејства во селата под Пелистер. Собирањето е тешко и исклучително опасно, но добро се плаќа, велат собирачите на шишарки. За секој собран килограм шишарки добиваат по 40 денари, а откупот на семе е 300 денари за килограм. Шишарките  се користат за изработување украси. Семето го откупува Националниот парк „Пелистер‘‘ за пошумување на голите површини на Баба Планина.

Берењето шишарки е опасна и тешка работа

Во бербата се вклучени само искусни берачи на шишарки,од околните села под  Пелистер.Годинава беше родна  па во бербата беа вклучени 33 берачи. Еден од нив е 59 годишниот Ѓорѓи  Дуртановски од битолското село Цапари. Тој собира  шишарки веќе 46 сезони, почнувајќи  од својата 14-годишна возраст. Вели дека се‘уште се сеќава на денот кога прв пат се качил на молика и ја наполнил првата вреќа со шишарки. Нивната семејна  ќуќа на крајот на летото и почетокот на есента , од крајот на август до крајот  на октомври, мириса на шумски плодови и смола. Уште на  крајот на август  нивниот двор е полн со шишарки кои се сушат на сонце и се подготвуваат за продажба. „Качувањето на моликата не е едноставна работа. Секој не може да собира шишарки, треба да бидеш физички способен и здрав и да не се плашиш од височини. Гранките се кревки и кршливи, а погрешен чекор може да биде опасен по животот. Моликовите стебла се високи 15-20 метра, а за качување не се користат никакви помагала, туку тоа се прави само со раце и нозе‘‘, појаснува Ѓорѓи. Го прашуваме до кога ќе бере моликови  и други шишарки, а тој низ смеа вели, се‘ додека го држи здравјето. Ни појаснува дека еден килограм може да набере во просек за десет до петнаесет минути. Дневно собира по десет до петнаесет вреќи од по 5,2 килограми или од 60 до 70 килограми, а годинава собрал рекордни  1700 до 1800 килограми. Bildunterschrift: Großansicht des Bildes mit der Bildunterschrift:  

Ни појаснува дека ако веќе е отворена, шишарката ја фрла од дрвото наземи, а потоа ги собира во вреќи. А ако  сака да го  собере и семето, секоја шишарка уште зелена и нерасцветана ја собира во  пластични вреќи, од кои потоа ги истура шишарките и ги распостелува во својот двор да ги суши. Шишарката потоа на сонце се отвора и пука, а тој семето го собира во вреќи. Потоа шишарките без семе се користат  за украси, а семето за пошумување. Дуртановски потенцира: „Работата е чиста, бидејќи за шишарките колку и да собереш има пласман, а се плаќа веднаш во кеш од Управата во Националниот парк Пелистер, со кои имам повеќегодишна успешна соработка, а тие знаат да ја ценат мојата тешка  работа‘‘. Тој вели дека иако работи  во ЈП „Македонија пат“, ова му е дополнителен приход со кој успеал во овие тешки времиња да ја школува својата ќерка во Скопје.

Моликата  ја има и во соседните земји, но најраспостранета е на Пелистер

Ендемичното растение, моликата, на големи површини вирее само на Пелистер, иако на сосема мали површини  ја има и во некои делови на Србија, Бугарија и Албанија, појаснува Стеванка Пројчевска, шумарски инженер во Националниот парк „Пелистер‘‘ од Битола. „Моликовата шишарка е специфична по својата убавина и сјај по кој е надалеку позната, кога е отворена  на врвот има светло златно -кафеава  боја, а кон внатрешноста темно кефеава со различни нијанси. Шишарката од моликата обично зрее третата година, при бербата берачите, а  и ние при откупот внимаваме шишарката да биде убаво отворена‘‘. Тоа според инженер Пројчевска, зависи од позицијата на теренот на која расте моликата, на кое место е шишарката и дали при растењето ја греело сонцето. Зашто, се случува  на третата година некои од шишарките да бидат зрели, но  да немаат  квалитет. „Таквите шишарки не се убави и ги фрламе, зашто не се за извоз, а ги собираме и извезуваме само најквалитетните и најубавите“.

Моликовите шишарки годинава главно на пазарите во Германија и Италија

Шишарките се собираат во пластични вреќи„За разлика од минатата година кога родот беше слаб, годинава беше родна и собравме  над 30 илјади килограми најквалитетни моликови шишарки“, потенцира инженер Пројчевска. Таа ни појаснува дека шишарките се сместуваат во пластични вреќи на кои се прават мали отвори со специјална машинка,  за шишарките да можат  да се проветруваат. Моликовите шишарки најпрво се складираат во нивниот склад од каде потоа во вагони се извезуваат во европските земји. Годинава најголем дел од шишарките биле извезени во Германија и Италија. Пројчевска истакнува: „Тамошните врвни изработувачи на украси, на  нашите прекрасни  пелистерски  моликови шишарки прво им додаваа некои додатоци, а потоа и бои. Потоа шишарките ги аранжираат во најубавите божиќни и новогодишни венци и икебани со кои ги украсуваат домовите и фирмите. Тие се преубави  поради својата раскош, уникатна убавина и сјај, затоа и се и толку барани во европските земји. Да имаме и уште толку  и тие  ќе ги продадеме‘‘, потенцира со гордост инженер Пројчевска.

„Моликовите шишарки се и дополнителна заработувачка за нашиот Национален парк Пелистер, а со нив потоа финансираме повеќе проекти за уредување на паркот. Моликовите шишарки  се едни од бројните природни раритетни плодови од Македонија, а  кои се наша гордост, кои се многу ценети и се повеќе барани во европските земји‘‘, потенцира Пројчевска.

Автор: Антоанела Димитриевска

Октомври - СЕ ОДРЖА 11-ПЕЛИСТЕРСКИ ВЕЛОСИПЕДСКИ КРОС

НА 29 ОКТОМВРИ СО УЧЕСТВО НА ОКОЛУ 100 ВЕЛОСИПЕДИСТИ ОД СИТЕ ВОЗРАСТИ

НА ПЕЛИСТЕР СЕ ОДРЖА 11-ТИОТ ВЕЛОСИПЕДСКИ КРОС.

СИМБОЛИЧНИ НАГРАДИ ДОБИЈА НАЈМЛАДИОТ, НАСТАРИОТ ВЕЛОСИПЕДИСТ И

ЕДИНСТВЕНОТО ДЕВОЈЧЕ КОЕ УЧЕСТВУВАШЕ НА КРОСОТ.

НАГРАДИТЕ ГИ ОБЕЗБЕДИ „ЕКСТРИМБАЈК“ ОД БИТОЛА

- Искуствата на НП Пелистер интересни за функционерите од Косово

17 – члена делегација од Косово беше во посета на Македонија. Претставници на Министерството за локална самоуправа и директори на три од петте Агенции за регионален развој разменуваа искуства и се запознаваа со позитивните примери од работењето на македонските државни институции, начинот на организирање, спроведување на одлуки и делување.

 

Целта на посетата беше да видиме како функционита регионалниот развој во Македонија. Започнавме со состаноци во Скопје, во Министерството за локална самоуправа и Бирото за регионален развој, продолживме во Тетово, а еден ден бевме и во Битола за да видиме како е организиран Националниот парк Пелистер, за потоа да ги пренесеме искуствата на Косово. Се обидуваме сите ресурси, вклучувајќи ги и природните, да ги ставиме во функција на економскиот развој.

  

Освен средбата со менаџерскиот тим на Паркот, косовската делегација го посети и Информативниот центар на Пелистер, каде им беа презентирани многубројните активности за привлекување туристи на Баба планина. Соседно Косово сеуште нема Национален парк, но има големи потенцијали кои сака да ги стави во функција на регионалниот развој, нагласи домаќинката на косовската делегација и директор на развојната агенција Преда плус, Маријана Милевска.

- Во тек е бербата и откупот на шишарки и семе од молика

 

Во Националниот парк Пелистер во тек е бербата и откупот на шишарки и семе од молика.

Се очекува годинава да бидат собрани и откупени до 5 шлепери со шишарки и 2 – 2,5 тони семе.

Бидејќи интересот за овие производи е голем, се очекува шишарките да бидат извезени на Западно-европскиот пазар.

   

  

Август - За изгаснатиот пожар - ТВ ОРБИС - 21 август

Август - Изгаснат пожарот во НП Пелистер - 21 август 2011

 

Август - Ќе профункционира ли колекторскиот систем на Пелистер?

Август - Зголемена посета на Инфо центарот на Пелистер

За околу девет месеци информативниот центар на националната установа Национален парк „Пелистер" го посетиле околу 4.000 граѓани. Особено бројот на посетители од други земји се зголемил летово.

- Поголемиот дел се од Европа, од Австралија, Америка и нешто од Канада. Пред два дена имавме од Израел. Пријатно сме изненадени што знаат за националниот парк и информативниот центар и наменски доаѓаат – вели Пеце Цветановски, лице за односи со јавност.

Во инфо-центар кој се наоѓа во местото викано „Седум кладенци" може да се погледне фото изложбата за флората и фауната на Пелистер, да се купат сувенири, да се најдат мапи.

- Интерес имаат за искористување на велосипедските патеки, оние со помала кондиција ги упатуваме кон историската патека, едукативната патека кон Голема ливада, прашуваат за патеката по камењарот и ги упатуваме каде да најдат превоз до врвот – додава Цветановски.

Инфо-центарот на НУ Национален парк „Пелистер" работи секој ден од 9 до 15 часот, но од установата велат дека доколку посетителе имаат пореба за информација за можностите за рекреирање, сместување, планинарење и одмор на Пелистер и потпелистерските села времето на работа е пофлексибилно.